БИШКЕК, 16-янв. – Sputnik. Кыргызстандын Өзгөчө кырдаалдар министрлигинин Гидрометеорология боюнча агенттиги 2016-жылдын февраль айына карата аба ырайы тууруалуу божомолун берди.
Маалыматка ылайык келерки айда катуу суук күтүлбөйт. Аймактарда аба ырайынын орточо температурасы эки градуска чейин жылуу болуусу күтүлөт.
Чүй облусунун дыйканчылык аймактарында абанын айлык орточо температурасы климаттык нормадан 2…4°С жогору болуп, аба ырайы 0…2°С жылуу болот.
Талас облусунун дыйканчылык аймактарында абанын айлык орточо температурасы климаттык нормадан 2…4° жогору болуп, 1° сууктан…1° жылуулукка чейин болушу күтүлөт. Ай ичинде абанын түнкү температурасы 0…5° сууктан, 6…11° суукка чейин, абанын күндүзгү температурасы 1…6° жылуулуктан, 7…12° жылуулукка чейин өзгөрүлүп турушу күтүлөт.
Ысык-Көл облусунун дыйканчылык аймактарында абанын айлык орточо температурасы климаттык нормадан 1…3° жогору болуп, 0…2° суук болушу күтүлөт. Ай ичинде абанын түнкү температурасы 3…8°суук, чыгыш райондорунда 5…10° суук болушу күтүлөт, абанын күндүзгү температурасы 3…8° жылуу болушу күтүлөт.
Нарын облусунун дыйканчылык аймактарында абанын айлык орточо температурасы климаттык нормадан 1…3° жогору болуп, 8…10° суук, Кочкор районунда 3…5° суук болушу күтүлөт. Ай ичинде абанын түнкү температурасы 5…10° сууктан, 15…20° суукка чейин болот.
