БИШКЕК, 16-янв. — Sputnik. Медициналык жогорку окуу жайлардын педиатрия факультетинин бүтүрүүчүлөрүн "Педиатор-дарыгеринин депозити" программасы боюнча боло турган сынакка катышуу мүмкүнчүлүгү сунушталууда. Бул тууралуу мэрия билдирди.
Маалыматка ылайык, аталган программа айына 5 миң сом которуу менен эмгекти баалоонун кошумча ыкмасы болуп саналат. Акчанын үч жыл бою банктык эсепке которулушу жаш адистерди кызматка тартуу жана стимулдаштырууга шарт түзөт.
Каалоочулар документтерин (паспорт, диплом, клиникалык ординатура же интернатураны аяктагандыгы тууралуу сертификат жана эмгек китепчесинин нотариалдык жактан ырасталган копиялары) саламаттык сактоо департаментине тапшырса болот.
2013-жылы кадр маселесин чечүү максатында, өзгөчө жаңы конуштарды педиаторлор жана №3 шаардык балдар ооруканасын реаниматологдор менен камсыздоо максатында шаардык кеңештин токтому менен "Бишкектин педиатр-дарыгеринин депозити" бекиген.
