БИШКЕК, 6-янв. — Sputnik. Пенсияларды таратуу менен Кыргызстандын почта системасы 300 миллион сомго жакын акча табат. Бул тууралуу " Социалдык фондунун 2016-жылга бюджети жана 2017-2018-жылдарга божомолу жөнүндө" мыйзам долбоорунда айтылат.
24 Бештин айы 2015, 16:33
2016-жылы пенсияларды жеткирип жана чектөө үчүн 354,7 миллион сом коротуу пландалууда. Анын ичинен бланктарды даярдоого жана пенсияны таратуу үчүн кеткен транспорттук чыгымга 8,5 миллион сом кетери айтылууда.
Пенсияларды жана жөлөк пулдарды таратып берүү кызматы үчүн "Кыргызпочтасы" мамлекеттик ишканасына 295 миллион 151 миң сом төлөнсө, коммерциялык банктарга 51 миллион сом которулары мыйзам долбоорунда белгиленген.
Пенсиялык фонддун пенсия жана каза болгондон кийин берилчү чыгымдары 39 миллиард сомду түзөт.
