БИШКЕК, 11-дек. — Sputnik. Президент Алмазбек Атамбаев бүгүн иш сапар менен Түркмөнстанга жөнөп кетти. Бул туурасында өлкө башчынын маалымат кызматы билдирди.
Иш сапардын алкагында мамлекет башчысы Түркмөнстандын президенти Гурбангулы Бердымухамедов менен жолугат. Андан соң "Нейтралитет саясаты: тынчтык, коопсуздук жана өнүгүү үчүн эл аралык кызматташуу" эл аралык конференциясынын ачылыш аземине катышат.
Андан тышкары Атамбаев Грузиянын президенти Георгий Маргвелашвили менен жолугат.
5-августта Гурбангулы Бердымухамедов Кыргызстанга биринчи мамлекеттик иш сапар менен келгенде мамлекет башчысы Атамбаевди Ашхабадда өтө турган Түркмөнстандын нейтралитет статусунун 20 жылдыгына арналган конференцияга чакырган.
