БИШКЕК, 11-дек. — Sputnik. Президент Алмазбек Атамбаев 11-15-декабрь күндөрү иш сапар менен Түркмөнстан, Кувейт жана Катар мамлекеттерине бара турганын өлкө башчынын маалымат кызматы билдирди.
Түркмөнстандан Атамбаев мамлекет башчы Гурбангулы Бердымухамедов менен жолугуп, эл аралык конференциянын ачылыш салтанатына катышат. Мындан тышкары, аталган республикада Грузиянын президенти Георгий Маргвелашвили менен жолугушуусу күтүлүүдө.
12-14-декабрь күндөрү Кыргызстандын президенти расмий иш сапары менен Кувейтке барып, өлкө жетекчилиги менен жолугушууларды өткөрөт. Андан соң кыргыз-кувейт инвестициялык форумга катышат. Бул мамлекетте бир катар эки тараптуу келишимдерге кол коюу каралууда.
14-15-декабрь күндөрү Атамбаев Катарга барып, эмир Тамимбин Хамад аль-Тани менен жолугушат. Мында эки мамлекеттин соода-экономикалык жана маданий-гуманитардык мамилесин бекемдөө маселелери талкууга алына турганы маалымдалды.
