БИШКЕК, 8-дек. — Sputnik. "Кыргызстан — кыска метраждуу тасмалардын өлкөсү" эл аралык кинофестивалдын алкагында буга чейинки фестивалдарда мыкты аталган фильмдер көрсөтүлө турганын "Айтыш-фильм" студиясынын маалымат катчысы Чолпон Идрисова билдирди.
Маалыматка ылайык, ретро тасмалардын программасына 2011-жылдан баштап фестивалдын улуттук жана эл аралык сынагында жеңишке жетишкен сегиз тасма киргизилген.
Идрисованын айтымында, буга чейин "Мыкты тасма" номинациясына талапкер болгон тасмалардын баары кинофестивалдын алтын фондусуна киргизилген.
Быйыл бешинчи ирет өтүп жаткан "Кыргызстан — кыска метраждуу тасмалардын өлкөсү" кинофестивалы 12-декабрда башталып, үч күнгө созулат. Ал эми ретро тасмалар 15-декабрь күнү "Манас" кинотеатрында көрсөтүлөт.
