БИШКЕК, 8-дек. — Sputnik. Республиканын 19 шаарында таза суу менен камсыздоо системасы курулуп жана калыбына келтирилип жатканын биринчи вице-премьер Аалы Карашев Координациялык кеңештин жыйынында билдирди.
Анын айтымында, аталган долбоорго Европа реконструкциялоо жана өнүктүрүү банкы, Швейцария өкмөтү жана Европа биримдиги колдоо көрсөтүп, аны ишке ашырууга 173,1 миллион евро инвестиция каралган.
Карашев Кыргызстандын шаарлары менен айылдарын өнүктүрүүгө Дүйнөлүк банк, Азия өнүктүрүү банкы жардам берип, бир катар ири долбоорлорду жүзөгө ашырып жатканын кошумчалады.
