Ирактын президенти түрк өкмөтүн өлкөдөн армиясын алып чыгып кетүүгө чакырды

БИШКЕК, 6-дек. — Sputnik. Ирактын президенти Фуад Масум түрк бийлигине эки өлкөнүн мамилеси солгундап кетпеши үчүн аскерин чыгарып кетүүгө чакырып, мындай катачылыкты экинчи жолу кайталабоону эскертти деп жазат РИА Новости маалымат агенттиги.

Ирак өкмөтүнүн маалыматы боюнча түрктөрдүн танк батальону жума күнү Ирактын Найнава провинциясына күрд элинин аскерлеринин отряды даярдалып жатат деген негиз менен кирген. Ирактын дипломатиялык ведомствосу түрк аскерлерин Ирактын аймагынан чыгарып кетүүнү талап кылды. Алардын аймакта болуусу "душмандык аракет" болуп саналары айтылат.

Фуад Масум түрк аба күчөрүнүн аракетин эл аралык укуктарды, мыйзамдарды жана Ирактын суверенитетин бузуу деп атады.

"Биз Түркиянын бийлигин аскер күчтөрүн Ирактын аймагынан чыгарып кетүүгө чакырабыз. Мындай аракеттердин экинчи кайталанбашын эскертебиз", — деп айтылат Масумдун билдирүүсүндө.

Ошол эле учурда ал Ирак өкмөтүнө жана министрликтерге мамлекеттин суверенитетин сактоого керектүү чараларды көрүп, Түркия менен достук мамилени сактоого чакырды.