БИШКЕК, 25-ноя. — Sputnik. Жогорку Кеңештин депутаттары кызматтык унаадан гана баш тартууну чечишкенин парламент билдирди.
Буга чейин Жогорку Кеңештин структурасын жана чыгымын оптимизациялоо боюнча комиссия депутаттык корпусту артыкчылыктарды жоюу маселеси тууралуу өз бүтүмү менен тааныштырган.
Натыйжада көпчүлүк добуш менен депутаттар кызматтык үй, KG сериясындагы мамлекеттик номер, санаторий жана курорттук эс алуу менен бир жардамчы, бир консультантты калтырууну чечишкен.
Эл өкүлдөрү кызматтык унаадан баш тартып, бирок төрага менен анын орун басарларына "Кадиллактарды" калтырышты.
Депутаттарга берилүүчү жеңилдиктерден баш тартуу маселеси үгүт өнөктүгүндө эле козголуп, айрым талапкерлер менен активисттер болочок депутаттарды аталган демилгени колдоого чакырышкан. Шайлоодон кийин бул тууралуу атайы комиссия түзүлгөн.
