БИШКЕК, 4-ноя. — Sputnik. Буга чейинки 7-июнда болгон шайлоодо Стамбул шаарынан көрсөтүлгөн талапкерлердин тизмеси боюнча 16-орунда турган Ахмет Чамлы парламентке кирбей калган болчу. Ал эми 1-ноябрда өткөн шайлоодо ал тизме боюнча 13-орунга жылдырылып Межлистен (Түркиянын парламенти) орун алды, деп жазат Sputnik Türkiye маалымат агенттиги.
1-ноябрда мөөнөтүнөн мурда болгон шайлоонун алдын ала жыйынтыктар боюнча АК партиясы шайлоочулардын 49,2 пайыз добуш алды. 7-июнда болгон шайлоого караганда MHP (Улутчул кыймыл партиясы) бир нече добушун жоготсо, HDP (Элдин демократиялык партиясы) 10 пайыздык босогодон эптеп өттү. Ал эми CHP (Республикалык элдик партиясы) июнь айындагы шайлоого салыштырмалуу 0,5 пайыз көп добушунка ээ болуп, парламенттен эки орун көп алмай болду.
