БИШКЕК, 29-сен — Sputnik. Россиянын президенти Владимир Путиндин "Ислам мамлекети" террористтик тобуна каршы күрөшүү үчүн кенен курамдагы эл аралык коалиция түзүүнү сунуштаганы туура деп эсептейт Франциянын президенттигине мурдагы талапкер, "Франция үчүн кыймыл" партиясынын негиздөөчүсү Филипп де Вилье.
Андан бир аз мурдараак Путин БУУнун Башкы ассамблеясынын 70-сессиясында сүйлөп жатып, "амбициялардын эмес, жалпы баалуулук менен жалпы кызыкчылыктын негизинде ойлонууну" сунуш кылган.
"Эл аралык укуктун негизинде алдыда турган жаңы көйгөйлөрдү чечүүгө бардык күч-аракеттерди бириктирип, терроризмге каршы анык кенен эл аралык коалиция түзүү зарыл", — деген Путин.
Де Вилье өзүнүн Твиттердеги баракчасында президент Путиндин айтканы, албетте, туура деп жазган.
