БИШКЕК, 21-сен. — Sputnik. Кыргызстандын улуттук олимпиада комитетинин жетекчиси Шаршенбек Абдыкеримов Азия олимпиадалык кеңештин (АОК) мүчөсү болуп шайланганын Мамлекеттик дене тарбия жана спорт комитети билдирди.
Маалыматка ылайык, шайлоо 16-сентябрда АОКтун 34-башкы ассамблеясында өттү.
Абдыкеримов Азиянын олимпиадалык кеңешинде Крыгызстандын УОК кызыкчылыгын көздөп, спорт маркетингин башкарат.
Азиянын Олимпиада кеңешинин курамында Абдыкеримовдон тышкары Кыргызстанды спортчу Садыр Мамытов, КР УОК башкы катчысы Канат Аманкулова жана Олимпиада комитети департаментинин жетекчиси Саламат Эргешов бар.
Мындан тышкары, ассамблеяда шейх Ахмат Аль-Фахад Аль-Сабах Азиянын олимпиадалык комитетинин президенти болуп кайра шайланды.
