БИШКЕК, 21-сен. — Sputnik. Мамлекетке эки миллионго жакын зыян келтиргени үчүн "Кыргызтелеком" ишканасынын жетекчилигине карата кылмыш иши козголду. Бул тууралуу УКМКнын Коррупцияга каршы кызматы бидирди.
Маалыматка ылайык, 2012-жылы "Кыргызтелеком" ишканасынын жооптуу кызматкерлери №178 бала бакча имаратын "Алтын-Башат" мекемесине ижарага берген. Бирок ушу кезге чейин аталган мекеме ижара акысын төлөбөй келген. Мунун кесепетинен мамлекетке 1 миллион 872 миң сом зыян келтирилген.
Үстүбүздөгү жылдын 16-сентябрында аталган факт боюнча Башкы прокуратура тарабынан ишкана жетекчилигине карата Кылмыш жаза кодексинин кызмат абалынан пайдалануу беренесинин негизинде кылмыш иши козголду.
Учурда тергөө иштери жүрүп жатат.
