Көргөзмөдөн уурдалган алмаз таш кытайлык кыздын ашказанынан табылды

© Владимир Астапкович / Фотобанкка өтүүАлмаздын 3D моделин жасоо. Архив
Алмаздын 3D моделин жасоо. Архив - Sputnik Кыргызстан
Жазылуу
Yandex newsTelegram
Бейшемби күнү полицияга асыл ташын уурдатып жиберген зер буюмдар дүкөнүнүн ээси кайрылган. Анын айтымында, уурулар 277 миң долларлык алмазды жөнөкөй таш менен алмаштырып коюшкан.

БИШКЕК, 13-сен. — Sputnik. Бангкоктогу зер буюмдардын көргөзмөсүнөн уурдалган салмагы 6 карат, баасы  277 миң доллар турган  алмаз Кытай жаранынын ашказанынан табылганын Таиланддын үчүнчү эл аралык телеканалы билдирди.

Шакектер. Архив - Sputnik Кыргызстан
"Алам" деп алдап, тойдун акчасын шыпырып кеткен
Кытайлык кызды шериги менен өз мекенине кетип бара жаткан жеринен иммиграциялык полиция  аэропорттон кармаган. Иликтөө учурунда саякатчылардын кебете-кешпири көргөзмөнүн видеобайкоосуна түшүп калган сүрөттөргө окшоштугу аныкталган. 

Асыл таштын уурдалышы тууралуу полицияга зер жасалгалар дүкөнүнүн ээси бейшемби күнү эле кабарлаган. Анын айтымында, уурулар алмазды жөнөкөй таш менен алмаштырып коюшкан.

Жума күнү кечинде кармалышкан кытайлык жарандар өздөрүн эс алуудан кайтып бара жаткан туристтер экенин айтышкан. Ишемби күнү рентген алмаз кытайлык кыздын ашказанында экенин аныктаган. Ошондон кийин гана кытайлыктар алмазды уурдап алышканын моюнга алышкан.

Жаңылыктар түрмөгү
0