БИШКЕК, 13-сен. — Sputnik. Болжол менен 150 миллион жыл мурда жашаган жырткыч аллозаврдын сөөгү Улуу Британияда өтөт турган аукционго коюлганын Summers Place Auctions мекемесинин сайты кабарлайт.
Аукциондун уюштуруучулары мындай өзгөчө экспонаттан 300 миңден 500 миң фунт (770 миң доллар) пайда көрөбүз деген ишенимде.
"Батыш маданиятында аллозавр тирранозавр менен катар белгилүү болгон байыркы жырткыч жаныбар. Сатыкка коюлуп жаткан аллозаврдын көлөмүнөн улам ал музейлердин эле эмес эң мыкты мейманкана ээлеринин да кызыгуусун жаратышы мүмкүн", — дейт аукцион үйүнүн жетекчиси Руперт Ван дер Верфф.
Evolution sale (эволюцияга арналган сатуу) аталышындагы аукцион Батыш Суссекс графтыгынын Биллингсхерст аймагында 25-ноябрда өткөрүү пландаган.
Аллозавр тууралуу көптөгөн адабий чыгармаларда жана ХХ кылымдын тасмаларынан жолуктурууга болот.
