БИШКЕК, 13-сен. — Sputnik. Өкмөттүн токтомуна ылайык, ийримге сабак берген жогорку билимдүү мугалимдерге эми тогуз миң сомдон айлык акы төлөнөт. Ал эми мектептен тышкаркы билим берүү мекемесинин маянасы 7800 сомду түзүшү мүмкүн.
Өкмөттүн маалымат кызматынын билдирүүсүнө ылайык, мугалимдин айлык акысы билимине жараша 7,5 миң сомдон 9 миң сомго жетет. Директордун маянасы аталган мекемеден билим алган балдардын санына байланыштуу болуп, 6 миңден 7,8 миң сомго чейин болушу күтүлөт.
Аталган категориядагы окутуучулардын айлык акысына төрт жылдан бери эч кандай өзгөрүү кирген эмес.
