БИШКЕК, 13-сен. — Sputnik. Дүйнөлүк кризиске карабастан, долбоорлорду ишке ашыруу боюнча аракеттер толук кандуу жүрүп жатканын Россиянын Кыргызстандагы элчиси Андрей Крутько билдирди.
Элчи БУУ программасы боюнча акыркы беш жыл ичинде Кыргызстанга 45 миллион доллар өлчөмүндө жардам берилгенин белгиледи. Анын айтымында, программанын алкагында Нарын облусун комплекстүү өнүктүрүү, Миң-Куш жана Кажы-Сай аймактарын калыбына келтирүү боюнча чаралар көрүлүүдө. Мындан тышкары, БУУнун азык-түлүк программасы менен биргеликте башталгыч класстын окуучуларын ысык тамак менен камсыздоо боюнча жардам көрсөтүлүп келет.
"Бүтүндөй дүйнөнү кучагына алган кризиске карабастан, иштер жүрүп жатат. Бул аракеттер калктын аялуу катмарларына жакшы таасирин тийгизип, пайда алып келет", — деди Крутько.
Элчи долбоорлорду ишке ашыруу 2016-жылы да улантыларын кошумчалады.
