БИШКЕК, 8-сен. — Sputnik. Нарын облусунун пенсионерлери башка аймактарга салыштырмалуу эң начар тамактанышат. Бул тууралуу Улуттук статистикалык комитет билдирди.
Маалыматка ылайык, килокалорийдин ар бир адамга бекитилген күндөлүк ченеми 2100дү түзөт.
Таластагы кары-картаңдар калориялуу тамактарды баарынан көп жейт, анын көлөмү бир күндө 3 миң килокалорийден ашат. Андан кийинки орунда Чүй, Ысык-Көл облустары турат, төртүнчү орунда Бишкек болсо, акыркы орунду Нарын облусу ээлейт.
Нарында жашаган пенсионерлер башка аймактагыларга салыштырганда эт, сүт, жумуртканы тамакка аз колдонот экен. Алар керек болгон 72 граммдын ордуна 58 грамм гана жешет. Ошондой эле аз калориялуу тамак жегендердин катарына Баткен, Ысык-Көл, Чүй, Ош облусунун кары-картаңдары кирет.
28-августтан 4-сентябрга чейинки баалар
