Баткен облустук бириккен ооруканасынын кулак-мурун дарыгери Толкун Жолоевдин айтымында, ата-энелер балдары эмне ичип-жеп жатканына көңүл бурушу керек. Сүлүк курт кичинекей болгондуктан, ата-энелер ага көп көңүл бурбайт дейт ал.
"Сүлүк курт кичинекей болгондуктан, ага ата-энелер анчейин көңүл бурбайт. Курттар мурунга жана кызыл өңгөчкө көбүрөөк кирет. Анын белгилери: чуркап ойноп жүргөн бала алсыз болот, өңү кубарып, табити жоголуп, жаткысы келет. Мурдунан кан акканда гана ата-энелер доктурга кайрылат. Аны өтө кылдаттык менен алыш керек, себеби, бейтаптар аны жутуп жибериши ыктымал", — дейт Толкун Жолоев.
Сүлүк курт адамдын денесине кирип кетпеши үчүн жергиликтүү санитардык эпидемиялык станциялар менен айыл өкмөттөр иштеп, аккан суу, иче турган сууларды текшериши керек дейт дарыгер.
