БИШКЕК, 1-сен. — Sputnik. Борбордук шайлоо комиссиясы шайлоо учурунда болуучу талаш-тартыштарды чечүү боюнча саясий партиялар үчүн тренинг уюштурат. Бул тууралуу Борбордук шайлоо комиссиясы билдирди.
31 Баш оона 2015, 10:08
Окутуу 2-сентябрда өтөт. Анын программасында шайлоо алдындагы үгүт иштерин жүргүзүү, саясий партиянын каржылык отчету жана шайлоо боюнча талаш-тартыштарды жөнгө салуу методдору камтылат.
Күзүндө боло турган парламенттик шайлоого катышуу үчүн Борбордук шайлоо комиссиясы 14 саясий партияны каттоого алды. Жогорку Кеңешке шайлоо 4-октябрда өтөт.
Ошондой эле, тренингдин катышуучуларына автоматташтырылган урналарды кантип колдонуу керектиги да көрсөтүлөт.
