"13-августта түшкү саат 12лер чамасында 29 жаштагы жергиликтүү тургун Мирлан Тажиев жана анын Бишкектен барган төрт досу үй-бүлөсү, бала-чакасы менен сууга түшөбүз деп Өрүктү айылындагы "Керемет-Суу" эс алуу жайына келген. Эс алуучулар менен аталган жайдын ээсинин ортосунда акча төлөө боюнча чыр болгон. Мушташып кеткен Ашыров Ишенбектин бир баласы таш менен башка бир коюп, Тажиев Ананьево айылындагы ооруканага жетпей каза болгон",— деди Турганбаев.
Каза болгондун туугандары менен айылдаштары чогулуп, милиция кызматкерлери келгенге чейин 400дөй киши эс алуу жайынын ээсинин эки кабаттуу үйүн, курулуштарын жана үч машинасын өрттөп жиберишкен.
"Ашыров баш болуп ал окуяга катышкан кишилер Ысык-Көл райондук ИИБде сурак берип жатат",— деди Турганбаев.
Аталган факты боюнча Ысык-Көл РИИБ Кылмыш жаза кодексинин 97-беренесинин ("Адам өлтүрүү") негизинде кылмыш ишин козголгон.
