БИШКЕК, 14-авг. — Sputnik. Кыргызстанда чыгарылган адал азыктар Евразиялык экономикалык биримдиктин рыногуна чыгууга толук мүмкүнчүлүгү бар. Бул тууралуу "Кыргызстан адал индустриясын өнүктүрүү борбору" билдирди.
Учурда адал индустриясын өнүктүрүү борборунун Евразиялык сертификатына 50гө жакын ишкана ээ болгону билдирүүдө айтылат.
"Алардын көпчүлүгү кондитердик фабрикалар, чийки эт, колбаса жана башкаларды өндүрүүчүлөр. Кыргызстан Евразиялык экономикалык биримдигинин толук мүчөсү болгондуктан, ата мекендик адал продукцияларды өндүрүүчүлөр үчүн жаңы рынок ачылды", — деп айтылат билдирүүдө.
"Кыргызстан адал индустриясын өнүктүрүү борбору" 2012-жылдан тартып Евразия адал стандартташтыруу жана сертификациялоо биримдигинин мүчөсү болуп келет.
