БИШКЕК, 25-июль — Sputnik. Президент Алмазбек Атамбаев ички иштер органдарына өзгөртүүлөрдү жана толуктоолорду киргизүү боюнча мыйзамга кол койгонун өлкө башчысынын маалымат кызматы билдирет.
Мыйзам Жогорку Кеңеш тарабынан 2015-жылдын 29-июнунда кабыл алынган.
Аталган мыйзам КРдин ички иштер органдарында кызматын өтөө тартибин жана шартын жакшыртууга багытталат.
Ага ылайык, мыйзамга илимий даражага жана наамга ээ окутуучулук кызматты аркалагандар 60 жашка чейин иштей алышат. Мындан тышкары, ички иштер органдарында кызмат өтөө мөөнөтүн 5 жылга чейин узартуу ченеми алып салынды. Ошондой эле мыйзамда ички иштер органдарынын кызматкери кызмат өтөө учурунда набыт болсо, анын үй-бүлөсүнө пенсия чегерүүнү каралат.
Мыйзам расмий жарыяланган соң 10 күндөн кийин күчүнө кирет.
