Бирмингемде эң эски Куран жазуулары табылды

© Sputnik / Максим Богодвид / Медиабанкка өтүүЭң чоң Куран китеби. Архив
Эң чоң Куран китеби. Архив - Sputnik Кыргызстан
Жазылуу
Териге түшүрүлгөн Курандын үзүндүсү Мухаммед пайгамбар каза болгондон кийин 20 жылдан кем эмес мезгилдин ичинде жазылгандыгын Бирмингем университетинин окумуштуулары иликтеп чыгышты.

БИШКЕК, 23-июль — Sputnik. Бирмингем университетинин китепканасында эң эски делген Куран жазуулары табылды. Ага кеминде эле 1370 жыл болгон. Кол жазмада Курандын 18- жана 20-сүрөөлөрү жазылган. Бул кол жазма китепканада башка китеп жана документтер менен чогуу дээрлик бир кылым сакталган. Университеттин изилдөөчүсү Альба Федели ага радиоуглероддук анализ жүргүзүп, күтүлбөгөн жыйынтык алган. Ага ылайык, кол жазма 568-жылдар менен 645-жылдардын ортосунда жазылышы мүмкүн деген тыянак чыгарылган.

"Радиоуглероддук анализдин жыйынтыгына ылайык, бул эки барак VII кылымга таандык жана Париж шаарындагы Улуттук китепканада сакталган кол жазманын бир бөлүгү болуп саналат", — деди Федели.

Окумуштуулар дүйнөдөгү эң эски делинген Курандын барактарын көрсөттү
"Бул жазууларды түшүргөн киши Мухаммед пайгамбарды көрүп, билип, айткандарын угушу толук мүмкүн. Ал аны жеке тааныган десе да болот,  бул жагынан алганда, биздин табылгы чындап эле ажайып нерсе", — деди университеттин профессору Дэвид Томас.

Мухаммед пайгамбар аяттарды алып турган, ал каза болгондон кийин 610-жылдан 632-жылга дейре Куран чогултулган.

"Териге түшүрүлгөн Курандын бөлүгү Мухаммед пайгамбар каза болгондон кийин 20 жылдан кем эмес мезгилдин ичинде жазылган деп айта алабыз", — деди профессор Томас.

Бул жазуулар хиджази тамгалары менен түшүрүлгөн. Бул  араб жазуусунда биринчи колдонулган тамгалар болуп эсептелет. Аталган манускрипт 1920-жылдары Альфонс Миган  Жакынкы Чыгыш боюнча чогулткан үч миңден ашык документтердин бир бөлүгү болуп саналат.

Эң эски Куран жазуулары деп бир нече манускрипт каралууда. Радиоуглероддук анализ аркылуу кол жазмалардын пайда болгон мезгилин так аныктап кайсынысы эң эски деп атоо мүмкүн эмес.

Университет бул табылганы октябрь айында Бирмингемдеги Барбер институтунда элдин назарына коюуга ниеттенип жатат.

Жаңылыктар түрмөгү
0