Манастын эстелиги Токтогул Сатылганов атындагы Улуттук филармониянын алдында турат. Анын жалпы узундугу 15 метрге жетет. Аны скульптор Тургунбай Садыков жасаган.
Бул архитектуралык композицияда "Манас" эпосундагы каармандар да берилген. Ортодо Ак-Куланы жулкунта минген Манас турат. Ал колуна кылычын кармап, ажыдаарды өлтүрүп жатканы чагылдырылган. Скульптуранын бийиктиги 6,3 метр, ажыдаардын узундугу 13 метр.
Аны Каныкей менен Бакайдын айкелдери жандап турат. Алардын баары жезден жасалган.
Архитектуралык композицияны айланта фонтан орнотулган.
