Москвадагы төрөт үйүнүн дарыгерлери Ажиеванын бир эле бала төрөгөнүн айтышууда

© flickr.com / Quinn DombrowskiЖаңы төрөлгөн ымыркайдын колу. Архив
Жаңы төрөлгөн ымыркайдын колу. Архив - Sputnik Кыргызстан
Жазылуу
Кыргызстандын РФ элчилигинин консулдары кыргызстандык аял төрөгөн №7 төрөт үйүнүн башкы дарыгеринин орун басары Андрей Подтетенев менен жолугушту.

БИШКЕК, 2 июнь — Sputnik. Москвадагы №7 төрөт үйүнүн башкы дарыгери кыргызстандык Динара Ажиева бир эле бала төрөгөнүн билдирди дейт элчиликтин өкүлү Айымкан Кулукеева.

Маалыматка ылайык, Кыргызстандын жараны элчиликке кайрылган эмес, дипломаттар Ажиева тууралуу ЖМК аркылуу кабардар болушкан.

"Ажиева анын жолдошу райондук прокуратурага кайрылганын билдирди. Бүгүн ал элчиликке келип арыз жазат. Ошол арыздын негизинде биз россиялык тарапка кайрылуу жасап, ишти оң жагына чечип берүүсүн өтүнөбүз. Жагдай биздин көзөмөлүбүздө болот", — дейт Кулукеева.

Элчиликтин өкүлдөрү кыргызстандык аял төрөгөн №7 төрөт үйүнүн башкы дарыгеринин орун басары Андрей Подтетенев менен жолугушту. 

"Дарыгерлер Ажиева төрөр алдында УДИден өткөндүгүн тастыктоочу документтерди көрсөтүштү. Ага ылайык, аялдын боюнча бир эле түйүлдүк болгон", — дейт дипөкүл.

Медициналык документтердин көчүрмөсү Ажиеванын арызына тиркелет.

Эгиздердин бирөөнү бербей коюшту – кыргызстандык аял Москвадагы төрөтү жөнүндө
Москванын №7 төрөт үйүндө көз жарган 30 жаштагы кыргызстандык Динара Ажиева дарыгерлер алдап эгиз балдардын бирөөсүн бербей коюшканын билдирген. Аялдын айтымында, москвалык дарыгерлер жатындагы тосмону (жатындагы оорудан улам пайда болгон көрүнүш) экинчи түйүлдүк катары кабыл алышканын айтышууда.

Операция жолу менен 22-майда төрөгөн аялга жалпы наркоз берилген. Буга чейин Ажиева эки ирет Москванын жеке клиникаларынан УЗИ өткөн. Аялдын айтымында, изилдөө эки жолу тең эки түйүлдүктүн бар экенин аныктаган. Балдардын эгиз экенин Ажиева көз жарган №7 төрөт үйү да тастыктап, дарыгерлер балдардын салмагынан бери айтып беришкен.

Москва шаардык клиникалык ооруканасынын алдындагы №7 төрөт үйүнүн дежур дарыгери төрөт маселелери боюнча оорукананын жетекчилиги менен саат 15.00гө чейин (мск) сүйлөшүү керектигин билдирди.

Жаңылыктар түрмөгү
0