Россияга кеткен мигранттардын саны февраль айында 12%га кыскарган

© Sputnik / Алексей Филиппов / Медиабанкка өтүүМигранттар. Архив
Мигранттар. Архив - Sputnik Кыргызстан
Жазылуу
Кыргызстандын РФтеги элчилигинин маалымат катчысы Айымкан Кулукеева Россиядагы кыргыз мигранттардын азайып жатканын билдирди. Февраль айында 56 миң 828 кыргызстандык Россиянын аймагынан чыгып кеткен.

БИШКЕК, 14 — мар — Sputnik. Россиянын аймагынан 56 миң 828 киши чыгып кеткенин Кыргызстандын Россиядагы элчилиги Федералдык миграция кызматынын маалыматына таянуу менен билдирди.

Элчиликтин маалымат катчысы Айымкан Кулукеева маалымдагандай, 5-мартка карата Россиядагы кыргызстандык мигранттардын саны мурдагы айларга салыштырмалуу 12 пайызга кыскарып, 483 миң 221 кишини түзгөн.

ФМКнын маалыатына ылайык, 56 миң 828 Кыргызстандын жараны РФтин аймагынан чыгып кеткен. "Кара тизмеге" 77 миң кыргызстандык бар. 192 миң жаран Россияга миграциялык мыйзамды бузуу менен келет.

"Бул мигранттарга да Россиянын аймагына кирүүгө тыюу салынып калышы ыктымал", — деди Кулукеева.

Элчиликтин маалымат катчысы белгилегендей, Россиянын Федералдык миграция кызматынын өкүлдөрү менен түрдүү деңгээлде сүйлөшүүлөр дайыма өткөрүлүп турат.

Жаңылыктар түрмөгү
0