БИШКЕК, 22-янв. — Sputnik. Жекшемби күнү, 24-январда Кыргызстанда КТРК Спорт телеканалы ачылат. Бул туурасында аталган телекорпорациянын маалымат кызматы билдирди.
"Спорттук каналды ачуунун максаты – өлкөдөгү спорттун өнүгүүсүнө салымын кошуу. Спортко байланыштуу уюмдары менен тыгыз иштешип, улуттук спорт оюндарын жана Кыргызстанды дүйнөгө таанытуу", — деп билдиришти коомдук телерадиоберүү корпорациясынын басма сөз кызматынан.
Мындан сырткары КТРК Спорт дүйнөлүк жана өлкөдө болуп жаткан Чемпионаттарды, Олимпиадаларды, спорт таймаштарды, КТРК тарабынан дайындалган спорттук программаларды спорт күйөрмандарына тартуулайт.
