Research компаниясы Sputnik үчүн жүргүзгөн сурамжылоонун натыйжаларына караганда, америкалыктардын дээрлик жарымы полиция кызматкерлеринде курал азыраак болушу керек деп эсептейт. Изилдөөнүн натыйжалары менен Sputnikтин инфографикасынан кененирээк таанышыңыз.
Sputnik агенттигинин өтүнүчү менен ICM Research компаниясы жүргүзгөн сурамжылоонун натыйжаларына ылайык, АКШ тургундарынын 48 пайызы америкалык полиция кызматкерлеринин куралуу көбүрөөк болушу керек деп эсептейт. Дагы ошончого жакыны — 46%ы, тескерисинче, куралдын санын азайтыш керек деп эсептейт. Болгондо да тартип сакчыларынын куралын азайтууну жактоочулар жаштардын жана Азиядан келген тургундардын арасында көп болуп чыкты.
АКШда 2014-жылдын ноябрь жана декабрь айларында полиция кызматкерлери тарабынан болгон негизсиз зомбулук аракеттерине байланышкан массалык нааразылык акциялары өткөн. Атап айтканда, Америка коомунда толкундоолорго африкалык-америкалыктар: Нью-Йоркто колго түшүрүү учурунда муунтуп өлтүрүлгөн Эрик Гарнер менен Мссури штатында полиция тарабынан атылган Майкл Браундун өлүмү себеп болгон.
