БИШКЕК, 22-ноя — Sputnik. РФтин Мамлекеттик Думасынын спикери Сергей Нарышкин 23-24-ноябрь күндөрү Казакстанда болуп, ал жерде эки тараптуу жолугушууларды өткөрөт жана "Президент. Парламент. Интеграция" эл аралык конференциясына катышат. Бул туурасында РИА Новости парламенттин төмөнкү палатасынын сайтына таянып билдирди.
"Мамлекеттик Думанын төрагасы Сергей Нарышкин Казакстанга иш сапары менен келет. Иш сапарынын алкагында 24-ноябрь күнү Нарышкин Казакстандын парламентинин межилиси (төмөнкү палатасы) демилгелеген "Президент. Парламент. Интеграция" эл аралык конференциясынын ишине катышат", — деп айтылат билдирүүдө.
Андан сырткары, Нарышкин бир катар эки тараптуу жолугушууларды өткөрөт.
