БИШКЕК, 21-ноя — Sputnik. Президент Алмаз Атамбаев Кыргызстандагы спорт тармагынын өкүлдөрү менен жолугуп жатып, спорттук жайларда криминалга жакын балдарды тарбиялоо тенденциясынын басымдуулук кылганын айткан.
Бүгүн "Ата Мекен" фракциясы Ички иштер министрлигине өлкөдөгү спорттук клубдардын кылмыш дүйнөсү менен байланышын текшерүүнү сунуштады. Аталган фракциянын мүчөлөрү мындай жайлардын айрымдарын кылмыш дүйнөсүнүн өкүлдөрү каржылап жаткандыгын айтышты. Фракция министрликке өлкөдөгү спорт клубдарын жана күзөт агенттиктеринин ээлерин жана криминалдык тараптар менен байланышын текшерип чыгууну тапшырды.
