БИШКЕК, 3-ноя — Спутник Кыргызстан. Биометрикалык маалыматтарды чогултууда чет элдик компаниялар тартылбайт. Бул тууралуу биринчи вице-премьер Тайырбек Сарпашев билдирди.
"Бизге биометрикалык маалымат чогултуучу жабдыкты алып келип бергенден кийин чет элдик компания менен кызматташуубуз бүтөт. Калганын биз өз күчүбүз менен жасайбыз. Мындай кадам маалыматтык коопсуздук үчүн керек", – деди Сарпашев.
Ал ошондой эле жергиликтүү бийлик өкүлдөрү биометрикалык маалыматтарды берүү керек экенин элге түшүндүрүүсү зарыл деп кошумчалады.
