18:34 20 Теке 2019
Түз эфир
  • USD69.6517
  • EUR78.3651
  • RUB1.1079
Видео

Атасы уурдап кеткен жигит 27 жылдан кийин кыргыз энесин тапты. Ыйлаткан видео

Кыскача шилтеме алуу
2434410

Латвиянын Бахтияр аттуу жараны 27 жылдан кийин Кыргызстандагы энесин таап, аны менен биринчи жолу көрүштү.

Россиянын НТВ телеканалынын "Жди меня" берүүсүнө Латвиянын Рига шаарында жашаган Бахтияр кайрылып, энесин таап берүүнү өтүнгөн. Анын айтымында, апасы менен атасы 1990-жылдары Ригадан таанышышкан. Апасы ал учурда тигүүчү цехте иштеп, окуп жүргөн. Цыган улутундагы жолдошу менен Ригада бир жылдай чогуу жашап, кийин Кыргызстанга чогуу кайтышкан.

"Мен апамдын мекенинде төрөлүптүрмүн. Атамдын айтымында, алар ал жакта жарым жылдай жашашкан. Кийин алардын салты боюнча мени отургузушмак экен. Буга макул болбогон атам мени Латвияга уурдап кетиптир", — деди Бахтияр.

Атасы кийин кесилип кетип чоң ата, чоң энесинин колунда өскөн. Алар каза болгондон кийин 11-12 жашында балдар үйүнө түшкөн. 14 жашка толгондо соцкызматкерлердин жардамы менен атасын таап, энеси тууралуу маалымат алган. Ал уулунун апасы Кыргызстанда экенин билдирген.

Учурда Бахтиярдын үч баласы бар, улуу баласы сегизде, экинчи кызы жетиде жана кичүү кызы алты айлык.

"Жди меня" берүүсү Бахтиярдын апасы Айгүл Осмонованы таап, экөөнү жолугуштурду. Осмонованын экинчи жолдошунан беш баласы бар экени белгилүү болду.

Тема боюнча

Токмокто жоголуп кеткен өспүрүм кыз табылды
Белгилер:
адам уурдоо, Латвия, Кыргызстан

Дагы видео

ЭҢ МААНИЛҮҮ