БИШКЕК, 11-окт. — Sputnik. Валентина Шевченконун ноябрда өтө турчу беттеши кийинки айга жылганын MMA Fighting басылмасы жазып чыкты.
Америкалык Сиджара Юбэнксти уюм кыргызстандык спортчу менен беттешүүгө тажрыйбасы аздык кылат деген себеп менен турнирге чыгаруудан баш тарткан. Эми Шевченко мурда айтылган польшалык атаандашы Жоанна Енжейчик менен кармашат.
Dana White tells @bokamotoESPN that Joanna Jedrzejczyk vs. Valentina Shevchenko for the flyweight title is back on for #UFC231 in Toronto, Ontario 🇨🇦 (December 8th) #UFC #WMMA pic.twitter.com/80Yujsber4
— Farah Hannoun (@Farah_Hannoun) 9 октября 2018 г.
Эске сала кетсек, Енжейчик ноябрдагы беттешке даяр эместигин айтып Шевченко менен беттешүүдөн баш тарткан болчу.
Нью-Йоркто өтө турчу UFC 230 юбилейлик турниринин башкы кармашында кыргызстандык спортчу менен Юбенкс жолукмак, эми алардын ордуна чоң салмактагы мушкерлер Даниэль Кормье менен Деррико Льюис мелдешет.
Шевченконун чемпиондук наам үчүн кармашы UFC 231 турнирине жылдырылып, мурда беттеше турчу атаандашы Жоанна Енжейчик менен күч сынашат. Спорттук иш-чара 8-декабрда Торонто шаарында өтөт.
Hay evento y grande para NYC‼️@dc_mma VS @Thebeast_ufc estelar de #UFC230 el 3 de Noviembre 🗽https://t.co/AmqdXZY5TY pic.twitter.com/P3OAfUafXB
— UFC Español (@UFCEspanol) 9 октября 2018 г.
Валентина Шевченко алтын кур үчүн 8-сентябрда Далласта UFC 228 турниринин алкагында америкалык Никко Монтано менен беттеш өткөрмөк. Мелдешке бир күн калганда Монтано ооруканага түшкөн. Бирок атаандашынын мындай абалын Шевчкенко кармаштан атайылап баш тарткандык деп баалаган. Көп өтпөй UFC уюму Монтанону наамынан ажыраткан.
