Вирус жуктурганын айтып кайрылган 6 кишинин бири гипермаркеттин сатуучусу

© Sputnik / Константин МихальчевскийДүкөндүн кызматкери. Архив
Дүкөндүн кызматкери. Архив - Sputnik Кыргызстан
Жазылуу
Сатуучу оорунун симптомдору байкала баштаганда ооруканага кайрылган. Учурда гипермаркетте иштегендер медициналык көзөмөлгө алынды.

БИШКЕК, 12-май — Sputnik. Коронавирусту жуктуруп алып медицина кызматкерлерине кайрылган алты киши болгон. Бул туурасында саламаттык сактоо министринин орун басары Нурболот Үсөнбаев брифинг учурунда билдирди.

Онлайн маалымат жыйында модератор Үсөнбаевден илдетти жуктуруп алгандардын арасында өздөрү кайрылган учурлардын бар-жогун сураган.

"Андай учурлар бар. Анализдей келгенибизде, алты киши өзү кайрылыптыр. Оорунун ар кандай белгилери байкалып, дарыгерлер коронавируска текшергенде бар болуп чыккан", — деди Үсөнбаев.

Ошондой эле модератор министрдин орун басарынан Бишкектеги Vefa соода борборунун алдындагы "Фрунзе" гипермаркетинин сатуучусунан вирус чыккандыгы тууралуу кеп болуп жатканын айткан.

"Ал сатуучу ошол өзү кайрылган бейтаптардын бири. Симптомдору байкалып лабораториядан текшерилгенден кийин дароо ооруканага жаткырылган. Ошондой эле гипермаркеттегилер дагы лабораториялык тастыктоодон өткөрүлүп, медициналык көзөмөл уюштурулган", — деди министрликтин өкүлү.

Коронавирустун кесепети

Кыргызстанда коронавируска кабылгандардын саны 1037ге жетип, анын ичинен 709и айыгып чыкты. Тилекке каршы, 12 бейтап каза болуп калды.

Тез жардам кызматкери. Архив - Sputnik Кыргызстан
Министрлик: коронавирус боюнча тенденция төмөндөй баштады
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагына карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0