23:34 01 Кулжа 2020
Түз эфир
  • USD73.4927
  • EUR81.8635
  • RUB1.0542
Коом
Кыскача шилтеме алуу
Кыргызстандагы коронавирус жуктуруп алгандар (882)
1602 0 0

Кыргызстандыктар апрелге коронавирус каптаган абал, COVID-19 жуктурган 107 оорулуу жана кооптуулук жараткан бир нече учурлар менен кирди.

Мындан жарым ай мурда Кыргызстандан табылган вирус улам жаңы аймактарга жайылып бара жатат. Учурда оору менен күрөшүү негизинен медицина кызматкерлеринин мойнунда турат. Андан сырткары өлкөнүн бир нече аймагына киргизилген өзгөчө абалдан улам тартип коргоо органдары күнү-түнү иштеп жаткан мезгил.

Sputnik Кыргызстан өлкөдөгү абал боюнча окурмандарга текст, фото жана видео түрүндө маалымат берип турат.

Жаңы билдирүү
  • 19:45

    1-апрелге карата Кыргызстандагы эпидемиологиялык абал боюнча жалпы маалымат

  • 18:53

    Баасы 23 миң долларлык өпкөнү жасалма дем алдыруучу жабдуу, Баткендеги жандандыруу бөлүмүнө орнотулду

  • 17:56

    Министр: бет кап кийбей жүргөндөргө айып салынбайт

    Женщина в маске на фоне опасений коронавируса COVID-19 проходит мимо граффити в Бишкеке. 19 марта 2020 года

    Министр: бет кап кийбей жүргөндөргө айып салынбайт

    Жогорку Кеңештин депутаты Дастан Бекешев борбор калаанын коменданты маска кийбегендерге айып салынат деп айтканына нааразы болду.
    Дагы
  • 17:13

    ӨА режими учурунда журналисттер кантип иштейт? Коменданттын буйругу

    Буйрукка ылайык, массмедиа комендант тарабынан берилген маалыматтарды гана таратышы керек.

     

    Журналисты на пресс-конференции председателя правления АО Государственная страховая организация Джумагуль Эгамбердиевой

    ӨА режими учурунда журналисттер кантип иштейт? Коменданттын буйругу

    Комендатуранын маалыматтык бөлүмү журналисттердин бардык суроолорун WhatsApp аркылуу онлайн форматта жана тынымсыз байланыш линиялары аркылуу алат.
    Дагы
  • 17:02

    Кыргыз маданиятынын өкүлдөрү ырчылар - онлайн-концерт берүүнү баштайт

    Маданият министри Жамангулов ырчылар элге онлайн-концерттерди берип баштарын айтты.

    “Алгач, эстрада ырчылары концертти үйүндө отуруп берет да, акырындап классикага өтөбүз”, - деди министр.

  • 16:56

    Министр: жардам боюнча бири-бирибизди кайталап албайлы

    Элге жардам берүү боюнча маалымат жыйынын өткөргөндөр кайрымдуулук кылгандарды, уюмдарды, тараптарды биргелешип иштөөгө чакырды.

    "Биргелешип иштебесек, муктаж болгондорго жардам кайра-кайра кайталанып, башкаларга жетпей калышы мүмкүн. Андыктан, сүйлөшүп, бири-бирибиз менен сүйлөшүп жардам барганга, иш алып барганга чакырам", - деди Жамангулов. 

  • 16:55

    “Министрлик 27 ири фонддор менен иш алып барат, алар менен да сүйлөшүп жатабыз. Көптөн бери кызматташып келебиз. Алар биз айткан, көрсөткөндөргө жардам берет деп ойлойбуз”, - деди Эмгек жана социалдык жактан өнүктүрүү министринин орун басары Ализа Солтонбекова.

  • 16:48

    Ар бир жардам эки жумага жеткидей берилүүдө

    "Ар бир жардам эки жумалык запас менен берилип жатат. Жардамдын ичинде - ун, кумшекер, чай, картошка, суу майы, гречка, макарон бар", - деди Жамангулов.  

  • 16:46

    Солтонбекова:  Бишкек боюнча көмөк ала тургандар 800 үй-бүлөгө чамалайт. Бирок, бул туура эмес болуп калат. Бишкектин тегерегинде жашаган, каттоосу жок көп адамдарды эске алышыбыз керек.  Негизинен азык-түлүк менен берилет.

  • 16:34

    АКШда жашаган кыргызстандыктар да жардам берип жатат

    "АКШда жашап жаткан кыргызстандыктар дарыгерлер үчүн каражат чогултуп, 10 000 миң доллар беришти. Аларга заманбап материалдан коргонуучу костюмдар тигилип жатат", - деди Насыркулов. 

  • 16:33

    Ыктыярчы Урмат Насыркулов: 2-3 күн ичинде жардам сураган 1000ден ашык арыз түштү

    "Кайдыгер эмес адамдар биригип, 1500 ге чукул киши иш алып барып жатабыз. "Биз барбыз" уюмунун өкүлү. Биринчиден вирус боюнча көп маалымат чет тилде болгондуктан айылдарга жеткирели деп жатабыз. Экинчи ишибиз - дарыгерлерге жардам берүү. Аларга коргонуучу кийим тигилип, таратылып жатат. Дагы 15 000 костюм тигип жатабыз. Үчүнчү багытыбыз - элди азык-түлүк менен камсыздоо. Иштебей калгандар бар. 2-3 күн ичинде жардам сураган 1000ден ашык суранычтар түштү. Учурда өкмөт менен иштешетил деп жатабыз", - деди ыктыярчы Урмат Насыркулов. 

  • 16:31

    Парханов: ыктыярчылар даяр

    “Арыз түшкөндөн кийин, каралат. Учурда  570 ыктыярчы курстан өтүп, ишти аткарганга даяр. 150-200 айдоочу да жардам берүүгө камданып турат.  Андан сырткары Кызыл жарым ай коому да жардам берип жатат” - деди Жаштар иши, дене тарбия жана спорт агенттигинин директорунун орун басары Мирлан Парханов.

    Ал ондогон уюмдар штабдын алдына чогулуп, ишти баштагандыгын, андай тараптар менен иштегенге даяр экендиктерин айтты. 

  • 16:28

    Эмгек жана социалдык жактан өнүктүрүү министрлигинин каттоосунда 96 миң аз камсыз болгон адам турат

  • 16:27

    “Учурда абалдан улам иши жок калып, тамак-ашка муктаж болгондор бизге кайрылса болот”, - деди Солтонбекова.

  • 16:25

    "Жетим балдарга, атасы же энеси жокторго, анны үстүнө жалгыз жашаган улайгандар бизге кайрылса болот", - деди Солтонбекова.

  • 16:24

    "Жумушу жок отурган, азык-түлүккө муктаж адамдар кайрылса болот.  Бишкек шаары боюнча алардын саны  - 18 000ден ашты", - деди Эмгек жана социалдык жактан өнүктүрүү министринин орун басары Ализа Солтонбекова.

  • 16:21

    Жардам боюнча 1227 номерине кайрылса болот.

  • 16:19

    Жаманкулов: Фонд элден келген жардамды борборлоштуруу үчүн ачылды. Азырынча каражат өкмөттөн жана кайрымдуу адамдардан түшүп жатат

  • 15:40

    Министр Жаманкулов ишкерлерди, колунан келгендерди элге жардам берүүгө чакырды

  • 15:38

    Жардам штабы фонду түзүлүп, муктаждарга көмөк көрсөтөт

    “Кайрымдуулук фонд менен биргеликте жардам штабы түзүлдү. Ал "Жардам берем" деп аталат. Мүмкүнчүлүгү чектелгендерге, аз камсыз болгондорго берилет. Азык-түлүк жана коргонуу каражаттарын берет. Ал Бишкек жана Ош шаарларында  иштеп жатат”, - деди Маданият маалымат жана туризм министри Азамат  Жаманкулов.

  • 15:37

    Биле жүрүңүз! Коопсуздук кеңеши кабыл алган чечимдердин тизмеси

    Президент КР Сооронбай Жээнбеков на заседании Совета безопасности в узком составе с участием руководителей государственных органов страны

    Биле жүрүңүз! Коопсуздук кеңеши кабыл алган чечимдердин тизмеси

    Кыргызстанда 1-апрелде дагы төрт кишиден коронавирус табылганы аныкталды. Ушуну менен өлкө аймагында бейтаптардын саны 111ге жетти.
    Дагы
  • 15:28

    Өкмөт аз камсыз болгон үй-бүлөлөргө бөлгөн ун жер-жерлерге жеткирилүүдө

  • 15:26

    Жалал-Абад шаары жана Сузак району боюнча коменданттык саатты көзөмөлдөө иши күчөтүлгөн режимге өттү

  • 15:21

    Сокулук райадминистрациясынын кызматкерлеринин анализи чыкты

    Обсервацияга алынган Сокулук райондук администрациясынын бардык кызматкерлеринен коронавирус аныкталган жок.

     

    Эске салсак, Сокулук райондук администрациясынын бардык кызматкерлери кечээ иштеп жаткан жеринен карантинге алынган.

     

    Сокулук райадминистрациясынын кызматкерлеринин анализи чыкты

    Сокулук райондук администрациясынын бардык кызматкерлери кечээ иштеп жаткан жеринен карантинге алынган.
    Дагы
  • 15:19

    Премьер вице-премьерликке Исмаилованы, министрликке Абдикаримовду сунуштады

    Депутат Жогорку Кенеша Аида Исмаилова на заседании

    Премьер вице-премьерликке Исмаилованы, министрликке Абдикаримовду сунуштады

    Президент бүгүн Алтынай Өмүрбекова менен Космосбек Чолпонбаевди коронавирус менен күрөшүүдөгү чабал аракети үчүн иштен алган.
    Дагы
  • 12:37

    Министрликке ким келет?

    Парламенттик коалиция вице-премьер-министр жана саламаттык сактоо министри кызматына талапкерлерди карайт.

     

  • 12:33

    Коронавируска чалдыккан адамдар үчүн жасалма дем алдыруучу канча аппарат бар?

     Саламаттык сактоо уюмдарында 551 жасалма дем алдыруучу аппарат бар. Алар балдар жана чоңдо үчүн деп бөлүнбөйт.
    Министрлик башка өлкөлөрдөн (Россия, Кытайдан) кошумча жасалма дем алдыруучу аппараттарды алууга сүйлөшүүлөрдү жүргүзүп жатат.

    Маалымат Республикалык штабдан алынды

  • 12:31
  • 12:27

    Менчик клиникалардан COVID-19 боюнча тесттен өтүү мүмкүнчүлүгү боюнча айтылды

    “Кыргызстанда жүрүп эле өзүмдүн эсебимден тесттен өтөм дегендер болуп жатат. 2-3 күндүн ичинде юридикалык механизмдерди тактап алсак,  менчиктештирилген клиникалардан өз эсебинен өтүү маселесин чечебиз”, - деди Мамбетов.

  • 12:20

    Ош шаарындагы облустук клиинкада оор деген пациенттин абалы кандай?

    “Реанимацияда жаткандардын абалы туруктуу. Кудайга шүгүр, Ош облусундагы оор абалда жаран жасалма жол менен дем алдыруу аппаратынан чыгарылды, өз алдынча дем алууда”, — деди Мамбетов.

  • 12:18

    COVID-19 жуктургандар кайдан табылды?

     Жалал-Абад ш. – 1
     Сузак району – 1
     Кара-Көл ш. – 1
     Чүй облусу – 1 адам. 

  • 12:15

    Бүгүн коронавирус табылган кишилер кайдан жуктурган?

    Мамбетов: 4 кишинин бирөө сырттан, Россиядан келген. Калганы Кыргызстандын ичинен жуктуруп алган. Тагыраагы, оорулуулар менен байланышта болгон. 

  • 12:14

    Ооругандардын жаш курагы кандай?

    Балдар  - 11, алардын ичинен би жашка чейинки 2 бөбөк бар. Калганы 55 жашка чейинки адамдар.

  • 12:12

    Ооругандардын 59у аял, 52си эркек киши

  • 12:11

    Кыргызстанда коронавирус жуктургандардын саны 111ге жетти.

  • 12:07

    Кыргызстанда коронавирус менен дагы 4 киши катталды.

  • 12:02

    Саламаттыкты сактоо министрлигинин коронавируска байланыштуу брифинги башталды

    Саламаттыкты сактоо министрлигинин штабынын башчысынын орун басары Касымбек Мамбетов  маалымат берет.

  • 11:44

    ДССУ коронавирустан сакайгандардын саны боюнча маалымат берүүсүн токтотту

    Сотрудник медицинского персонала работает с пациентом, страдающий коронавирусной болезнью (COVID-19) в отделении интенсивной терапии в клинике MontLegia CHC в Льеже. Бельгия, 26 марта 2020 года

    ДССУ коронавирустан сакайгандардын саны боюнча маалымат берүүсүн токтотту

    Буга айрым мамлекеттердин айыккан жарандары тууралуу Дүйнөлүк саламаттык сактоо уюмуна маалымдабай калганы себеп болууда.
    Дагы
  • 11:42

    Жогорку Кеңешке премьер-министр Мухамедкалый Абылгазиев КРдеги эпедиемиологиялык абал боюнча маалымат берүү үчүн чакырылды

  • 11:40

    Жогорку Кеңеш кезектеги жыйынга чогулду

  • 11:34

    Президент вице-премьер Өмүрбекова менен министр Чолпонбаевди иштен алды

    Президент Сооронбай Жээнбеков бүгүн, 1-апрелде  вице-премьер-министр Өмүрбекова менен саламаттык сактоо министри  Чолпонбаевди иштен бошотту. 

  • 10:55

    "КРде обсервация жайлары жабылдыбы". Министрлик жалган маалыматты төгүндөдү

    Спальни которые будут служить убежищем для бездомных, по случаю вспышки коронавируса (COVID-19) в Рио-де-Жанейро, Бразилия, 30 марта 2020 года.

    "КРде обсервация жайлары жабылдыбы". Министрлик жалган маалыматты төгүндөдү

    Азыркы алгоритм боюнча чет өлкөдөн кайтып келген жарандар үч күн обсервацияга киргизилип, андан кийин үй карантинине чыгарылат.
    Дагы
  • 10:51

    “Кара-Кулжа, Өзгөн, Чоң-Алай, Алай, Аравандын урматтуу жашоочулары, өзгөчө абал киргизилген райондорго келбегиле, өзүңөргө сак болгула. Айрым жерлерде контактниктер (оору менен байланышып калгандар) бар, алар экспресс-тесттен өтүп жатат, бүткүчө сабыр кылып чыдап туруңуздар. Карантин деген түшүнүктү бузбаганга аракет кылгыла. Бизге келбегиле, кооптуулукка кабылбагыла”, - деп кайрылды Нурдинов.

  • 10:50

    "Ошол эле учурда Кара-Кулжа, Өзгөн, Чоң-Алай, Алай, Араванда өзгөчө абал эмес, өзөчө кырдаал тартиби иштеп жатат. Бул райондордун тургундары эптен өткүсү келип, бир жолду жапсаң кайра бир жол ачып алып, максатсыз, расмий өткөрмө кагазы жок... мындай күрөш жүргүзүп жатат. Андай болбойт", - деди комендант Нурдинов. 

  • 10:50

    Комендант Нурдинов: биздин районго келбегиле

    Нурдинов Кара-Кулжа, Өзгөн, Чоң-Алай, Алай, Араван райондорунун жашоочуларына кайрылып, учурда өзгөчө абалда турган Ош шаары менен Кара-Суу жана Ноокатка кирбей турушун суранды.

  • 10:29

    Маликов: интернет клубду ичинен жаап алып ойногондор болду

    "Чайханага барган, интернетти клубду ичинен жаап алып, ойногон учурлар болду. Айрым жерде 5-6дан топтошуп  волейбол, футбол ойногондорду көрүп жатабыз. Аларга чара көрүлүүдө", - деди Маликов. 

  • 10:26

    Көчөгө көп  чыккандар эмнеге обсервацияга алынат?

    Комендантка тартип бузгандарды обсервацияга алуу чечими боюнча суроо берилди.

    "Обсервация алуу деген жөн жерден чыккан жок. Медицина кызматкерлери, эпидемиологдор менен кандай кылганда туура болот деп талкууланды.  Бул элдин баарына эмес, айрым айрым, 3-4 күндөн бери көчөдөн кетпей жүргөн жаштарга эскертүү болду. Посттордо мониторинг жүргүзүп көрсөк, бир күндө эшикке 5-6 ирет чыккан учурлар болууда. Андыктан мындай адамдарды обсервацияга алуу зарылдыгы келип чыкты”, - деди Маликов.

  • 10:06

    “Биз санитардык режимге так таянабыз. Башкысы – ден соолукту сактоо, илдетти жугузбоо, таратпоо. Азырынча үйдө отура тургула.  Биздин район таза деген жооп болушу мүмкүн, ошентсе да сактанган жакшы. Тартипти сактагыла”, - деди комендант Нурдинов.

     

  • 10:00

    Ош шаарынын, Кара-Суу, Ноокат райондорунун коменданты Малик Нурдинов маалымат берип жатат

    Ош шаары, Кара-Суу, Ноокат райондорунун коменданты Малик Нурдинов аталган аймактакта түн тынч өткөнүн айтты.

    “Абал туруктуу, көзөмөлдө. Бир сутка аралыгында коменданттык саатты 10 адам бузган. Мас болгон эки айдоочу кармалган”, - деди Малик Нурдинов.

  • 09:57

    Нарында тартипти катуулатуу аракети жасалууда

    "Үйүнөн иштөөгө жиберилип, бирок мамлекеттик жана менчик автоунаалары менен көчөдө жүргөн адамдарга мыйзам чегинде тартиптик чара көрүлөөрүн эскертебиз", - дешкен Нарын облустук админстрациясы.

    Сотрудники УВД Нарынской области во время показательного выступления
    © Фото / пресс-служба УВД Нарынской области
  • 09:54

    Бала бакча кызматкерлери апрелдин айлыгын алабы? Министрликтин жообу

    Воспитательница с детьми в одном из садиков столицы

    Бала бакча кызматкерлери апрелдин айлыгын алабы? Министрликтин жообу

    Буга чейин Sputnik Кыргызстан агенттигине шаардагы бала бакчалардын биринде иштеген тарбиячылар кайрылган. Алар апрель айында айлык акы кандай төлөнөрүн сурашкан.
    Дагы
  • 09:44

    Түп району: чет өлкөдөн келип, үй карантинин сактабаган 8 киши обсервацияга алынды

  • 09:29

    Коронавирус жуктурган ысык-көлдүк 2 киши кайда барып, кимдерге жолуккан?

    Маалыматка ылайык, алар Кыргызстанга Дели — Бишкек авиакаттамы менен 22-мартта келишкен. Бирөө 35, экинчиси 39 жашта.

    Аэропорттон аларды текшерип, үч күн обсервацияга жаткырышкан. Анализдери таза чыккандыктан 24-март күнү үйүнө кетүүгө уруксат берилген. 

     

     

    Мужчина в защитной маске ходит по улице  в Мумбаи. Индия, 28 марта 2020 года

    Ысык-Көлдө коронавирус жуктурган 2 киши Индиядан келип, кайда барганы айтылды

    Түптүн тургундарын үч күн обсервацияга жаткырып, анализдери таза чыккандыктан 24-мартта үйүнө кетүүгө уруксат берилген.
    Дагы
  • 09:28

    Кыргызстанда дары-дармек кымбаттап жатат?

    Дары-дармек менен камсыздоо департаментинин директорунун орун басары Мариям Жанкорозова препараттардын кымбатташына бир нече факторлор таасир этип жатканын айтты.

     

    В одной из аптек Симферополя.

    Кыргызстанда дары-дармек кымбаттап жатат. Маморгандар себебин түшүндүрдү

    Саламаттык сактоо министрлигинин алдындагы Дары-дармек менен камсыздоо жана медициналык техника департаменти медикаменттерге болгон баанын өсүшүн түшүндүрүп берди.
    Дагы
  • 09:21

    Бүгүн, 1-апрелде аба ырайы кандай болот?

    1-апрель, шаршемби күнү, күндүз көпчүлүк аймактарда мезгил-мезгили менен жаан, тоолуу райондордо кар жаайт. Чүй, Ош, Жалал-Абад, Баткен, Ысык-Көл облустарынын кээ бир райондорунда жаан-чачын катуу жаашы күтүлөт. Бул тууралуу Кыргызгидромет маалымдады.

     

    Покрывшийся снегом цветок дерева. Архивное фото

    Шаршембиге карата аба ырайы

    1-апрелде түнкүсүн Ош, Жалал-Абад, Баткен, Чүй, Талас облустарынын айрым аймактарында жаан, тоолуу райондорунда кар жаайт. Тоо этектеринде жамгыр себелеп карга айланышы ыктымал.
    Дагы
  • 09:19

    Бишкек шаарынын коменданты Алмазбек Орозалиевдин брифинги аяктады. 

  • 09:18

    Орозалиев: Биринчи май районунда 55, Свердлов районунда 80, Ленин районунда  88, Октябрь районунда  80 пост иштеди. Түндө көчөлөргө жөө патрулдар чыгарылды.

  • 09:16

    “Өзгөчө абал учурунда күнүнө 100дөн киши кармалып жатат. Бул жакшы көрүнүш эмес. Эрежени бузбаңыздар деп өтүнөбүз”, - деди Орозалиев.

  • 09:13

    Бишкекте коомдук коопсуздук боюнча абал тынч. Түндө коменданттык саатты бузган 119  болду.  Алардын  - 102и эркек, 17си  аял.

  • 09:13

    Бишкек шаарынын коменданты Алмазбек Орозалиевдин брифинги башталды

live
Кыргызстанды COVID-19 баскан жарым ай: абалды баяндаган кабарлар, сүрөт, видео
+
Тема:
Кыргызстандагы коронавирус жуктуруп алгандар (882)

Тема боюнча

Эл акчасын кайсы валюта менен сактаса болорун экономист айтып берди
Бала бакча кызматкерлери апрелдин айлыгын алабы? Министрликтин жообу
Тумоолоп жатканда ысык чайдын пайдасы жок. Медиктин пикири
Белгилер:
өзгөчө абал, коменданттык саат, милиция, дарыгер, Нарын, Баткен, Ош, Жалал-Абад, Бишкек, Кыргызстан

ЭҢ МААНИЛҮҮ