17:40 30 Бугу 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
Коронавируска байланыштуу Кыргызстандагы кырдаал (1462)
387 0 0

Сокулук райондук администрациясынын бардык кызматкерлери кечээ иштеп жаткан жеринен карантинге алынган.

БИШКЕК, 1-апр. — Sputnik. Обсервацияга алынган Сокулук райондук администрациясынын бардык кызматкерлеринен коронавирус аныкталган жок. Бул тууралуу Sputnik агенттигине өкмөттүн Чүй облусундагы өкүлү Алтынбек Намазалиев билдирди.

Анын айтымында, бардыгынын анализи коронавирус жок экенин көрсөттү.

"Акимчиликтин кызматкерлеринин анализи таза чыкты. Бирок алар ошол эле имаратта обсервацияда боло турушат", — деди Намазалиев.

Эске салсак, Сокулук райондук администрациясынын бардык кызматкерлери кечээ иштеп жаткан жеринен карантинге алынган. Маалыматка караганда, акимчиликтин башкармалыгында иштеген бир кызматкердин аялы эжеси менен Дубайга барып келген. Алар Бишкекте обсервацияга жаткырылып, анализи алынгандан кийин үй карантинине жиберилген. Кийинчерээк кызматкердин жубайынын эжеси коронавирус жуктурганы аныкталган.

Коронавирус Кыргызстанда

Кыргызстанда коронавируска кабылган адамдардын саны 111ге (52си эркек, 59у аял) жетти. Анын ичинен Сузактын үч тургуну айыгып чыккан. Тилекке каршы, Ош облусунда COVID-19 жуктурган үч адамдын абалы оорлошуп, реанимацияда жатат.

Бүгүн, 1-апрелде, Ысык-Көл облусунун Түп районунун айылдарынын бири толугу менен изоляцияга алынды. Буга ал айылдын чет өлкөдөн келген сегиз тургуну үй карантинин сактабай койгону себеп болду. Алар учурда обсервацияда.

Эске салсак, Бишкек, Ош, Жалал-Абад шаарларында жана Сузак, Ноокат, Кара-Суу райондорунда 15-апрелге дейре өзгөчө абал жарыяланган. Кечки саат 20.00дөн 7.00гө чейин коменданттык саат киргизилди.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

Тема:
Коронавируска байланыштуу Кыргызстандагы кырдаал (1462)

Тема боюнча

Биле жүрүңүз! Коопсуздук кеңеши кабыл алган чечимдердин тизмеси
Коронавирус: жеке лабораторияда анализ тапшыруу мүмкүнчүлүгү пайда болот
COVID-19 аныкталган төрт кишинин бирөө Россиядан келген
Белгилер:
анализ, кызматкер, Сокулук, коронавирус, Кыргызстан

ЭҢ МААНИЛҮҮ