Бала бакча кызматкерлери апрелдин айлыгын алабы? Министрликтин жообу

Жазылуу
Буга чейин Sputnik Кыргызстан агенттигине шаардагы бала бакчалардын биринде иштеген тарбиячылар кайрылган. Алар апрель айында айлык акы кандай төлөнөрүн сурашкан.

БИШКЕК, 1-апр. — Sputnik. Кыргызстанда бала бакча кызматкерлеринин айлык маянасы толук көлөмдө берилет. Бул тууралуу Sputnik Кыргызстан агенттигине Билим берүү жана илим министрлигинин маалымат катчысы Акылбек Орозматов билдирди.

Буга чейин Sputnik Кыргызстан агенттигине аймактагы бала бакчалардын биринде иштеген тарбиячылар кайрылган. Алар апрель айында айлык акы кандай төлөнөрүн сурашкан.

"Март айында бала бакча кызматкерлери айлыктарын толук көлөмдө алышкан. Апрель айында да эмгек акысы кармалбайт, толугу менен төлөнүп берилет", — деди Орозматов.

Эске салсак, 20-марттан тарта эпидемиологиялык абал жакшырганга чейин деп бала бакчалар ишин токтоткон. Өлкөдөгү мектеп, ЖОЖ, билим берүү жайлары 16-марттан тарта карантинге жабылган.

Коронавирус Кыргызстанда

Аудиториядагы студент. Архив - Sputnik Кыргызстан
Карантин учурунда студенттер контракт акысын төлөбөйбү? Министрликтин жообу
Кыргызстанда коронавируска кабылгандардын саны 107ге жетти. Басымдуу бөлүгү Ош жана Жалал-Абад облустарында. Алардын арасынан Сузактын үч тургуну айыгып чыкканы кабарланды.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна өзгөчө абал киргизилип, кечки саат 20:00дөн кийин көчөгө чыгууга тыюу салынган. Мындай режим 15-апрелге чейин уланат.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот

Жаңылыктар түрмөгү
0