12:11 01 Кулжа 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
Коронавируска байланыштуу Кыргызстандагы кырдаал (1469)
137 0 0

Комендатуранын маалыматтык бөлүмү журналисттердин бардык суроолорун WhatsApp аркылуу онлайн форматта жана тынымсыз байланыш линиялары аркылуу алат.

БИШКЕК, 1-апр. – Sputnik. Бишкек коменданты Алмаз Орозалиев өзгөчө абал учурунда жалпыга маалымдоо каражаттары менен интернет басылмалардын иши боюнча буйрукка кол койду. Бул тууралуу комендатуранын маалымат кызматынан кабарлашты.

ӨА режими кирген алгачкы күндөрү Орозалиев ЖМКлардын иши боюнча маселени чече турганын билдирген. Ал эми кечээ эмес аркы күнү комендант журналисттерге алардын эле коопсуздугу үчүн аккредитация берилбей турганын жар салган.

Ысык-Көл облусунун Түп районуна караштуу Маяк, азыркы Ысык-Көл айылынын тургундары обсервация жайын жайгаштырууга каршы чыгууда
© фото очевидца, отправленное по WhatsApp-каналу
Буйрукка ылайык, массмедиа комендант тарабынан берилген маалыматтарды гана таратышы керек. Ал эми комендатура калкты брифинг жана маалымат жыйындары аркылуу акыркы маалыматтар менен кабардар кылып турат. Комендант күн сайын эртең мененки саат 09:00дө COVID-19 менен күрөшүү боюнча Республикалык штабдын борборунда онлайн маалымат жыйынын өткөрүп турат. Журналисттер буйрукка ылайык, такталган маалыматты брифинг менен маалымат жыйындарынан алып элге тарата алышат. Бул эреже чет элдик ЖМКлар үчүн дагы тиешелүү.

Комендатуранын маалыматтык бөлүмү журналисттердин бардык суроолорун WhatsApp аркылуу онлайн форматта жана тынымсыз байланыш линиялары аркылуу алат. Жооптору брифинг жана маалымат жыйын учурунда айтылат.

ЖМКлар менен интернет басылмалардын жоопкерчиликтери жана милдеттери:

  • Жарыяланган маалымат тастыкталгандыгына жоопкерчилик алуу;
  • Журналисттик этиканын жалпы нормаларын сактоо;
  • Өлкөдөгү сөз эркиндигин аша чаап колдонбоо;
  • Окурмандарга, теле көрүүчүлөр менен радио угармандарга комендатуранын ишин объективдүү жеткирүү;
  • Комендатура өкүлдөрүнүн кадыр-баркына шек келтирген жалган маалыматтарды таратпоо;
  • Эгер туура эмес маалыматтар тарап кеткен болсо комендатуранын талабы менен массмедиа жазгандарын төгүндөп жаңылык жарыялашы керек.
Тема:
Коронавируска байланыштуу Кыргызстандагы кырдаал (1469)

Тема боюнча

Индияда 25 кыргызстандык карантинде. Вирустун белгилери байкалгандар да бар
Алматыда коронавирустан эки жаштагы наристе айыкты
Кыргызстанда дагы 4 адамдан коронавирус табылды
Белгилер:
тартип, журналист, ЖМК, коронавирус, Кыргызстан

ЭҢ МААНИЛҮҮ