БИШКЕК, 1-апр. — Sputnik. Дүйнөлүк саламаттык сактоо уюму (ДССУ) COVID-19 инфекциясынан сакайып кеткендер тууралуу маалымат бербей калды. Буга айрым мамлекеттердин сакайган жарандары тууралуу уюмга маалымдабай калганы себеп болгонун РИА Новости жазды.
"Кытайдан башка өлкөлөр коронавирус жуктуруп алып сакайып кеткендер тууралуу так жана расмий маалымат бербей жатат. Ал мамлекеттер эс-учун жыйнай албай жатса керек. Андыктан кийинчерээк жаңы маалыматтар чыгышы мүмкүн", — деп айтылат кабарда.
ДССУнун сунуштамасына караганда, коронавирус жуктурган адам дарыланып бүткөн соң аралыгын жок дегенде 24 саат кылып эки ирет тест тапшырышы керек. Экөө тең таза чыккандан кийин гана ал сакайды деп эсептелет.
Коронавирус тууралуу
1 Чын Куран 2020, 09:10
2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.
Акыры маалыматтарга караганда, дүйнө жүзү боюнча коронавирус жуктургандардын саны 858 785 миңге жетти. Алардын ичинен 42 151 киши каза баап, 178 119 киши сакайды.
