17:21 23 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Борец из Кыргызстана Айсулуу Тыныбекова на чемпионате Азии в Сиане

Бала көтөрүп, гүлгө оронгон Айсулуу. Балбанды Бишкекте кантип тосуп алышты. Сүрөт

© Фото / Facebook / United World Wrestling / Sachiko HOTAKA
Коом
Кыскача шилтеме алуу
12631 0 0

Кыргызстандык балбан Кытайда өткөн Азия чемпионатында алтын медаль уткан.

БИШКЕК, 28-апр. — Sputnik. Азиянын үч жолку чемпиону Айсулуу Тыныбекованы эртең менен "Манас" аба майданынан активисттер жана күйөрмандар тосуп алышты. Бул туурасында маалыматты жана сүрөттөрдү алар социалдык тармактагы баракчаларына жүктөдү.

Эске сала кетсек, Тыныбекова Кытайдын Сиань шаарында өтүп жаткан Азия биринчилигинде 62 килограмм салмакта алтын медаль утуп, чемпион болгон. Ал Бишкекке эртең менен саат 8ден өтүп келгени айтылат.

Социалдык тармактын колдонуучулары балбанды тосуп алгандагы сүрөттөр менен бөлүшүүдө. Анда желек көтөрүп, гүл берген күйөрмандарды көрүүгө болот.

Интернеттин дагы бир колдонуучусу боз үйдүн ичинде балбандын бала кучактап турган сүрөтүн жүктөгөн. 

"Бүгүн Москвага учпай калдым деп кайгырып турсам, эл Айсулууну тособуз деп чогулуптур, биз да кошулдук. Тааныштык, чай ичтик, Айсулуу аябай жөнөкөй кыз экен, жанындагы кыздар да дүйнөнүн жана Азиянын чемпиондору", — деп жазган колдонуучу Шахре Заада айым.

Дагы башка адамдар Тыныбекованын медалын кармап сүрөткө түшүүгө жетишкен. 

Айсулуу Тыныбекова ушуну менен Азиянын үч жолку чемпиону аталды. Ал 2016-жылы Бангкокто жана 2017-жылы Индияда өткөн Азия чемпионатында алтын медаль тагынган болчу. Рио-де-Жанейродо өткөн Олимпиадада бешинчи орунду алган. Ошондой эле Азия оюндары жана Ислам тилектештиги оюндарында чемпиондукту багындырган. 2017-жылы Дүйнө чемпионатынан коло алган. Мындан сырткары, күмүш, коло медалдарды бир нече ирет уткан. КРдин эмгек сиңирген спортчусу, "Даңк" медалынын ээси.

Тема боюнча

10 секунд калганда көтөрүп чапты! Айсулуу Тыныбекованын алтын уткан видеосу
Айсулуу Тыныбекова — өмүр баяны
Белгилер:
Сүрөт, күйөрман, чемпион, балбан, күрөш, Айсулуу Тыныбекова, Бишкек, Кытай

ЭҢ МААНИЛҮҮ