18:04 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Экс-президент Алмазбек Атамбаев жана президент Сооронбай Жээнбеков. Архивдик сүрөт

Жээнбеков Атамбаев менен эмнеге чырдаша кеткенин айтып берди

© Пресс-служба президента КР / Султан Досалиев
Коом
Кыскача шилтеме алуу
1602300

Сооронбай Жээнбеков 2017-жылдын 15-октябрында президенттик шайлоого КСДПнын атынан чыгып, жеңишке жетишкен.

БИШКЕК, 16-ноя. — Sputnik. Президент болуп жаңы эле кызматка киришип жаткан мезгилде Алмазбек Атамбаевдин билдирүүсү мен үчүн күтүүсүз болду. Мындай пикирин өлкө башчы Сооронбай Жээнбеков 24.kg маалымат агенттигине берген маегинде билдирген.

Президентке 20 жылдан бери уланып келе жаткан Атамбаев менен болгон ортодогу достук мамиле эмнеден улам сууп кеткени тууралуу суроо берилген.

"Мени кандайдыр бир үчүнчү жактардын колу менен жетелеме жетекчиге айлантуу, мени башкаруу аракеттери Атамбаевге адам катары да, экс-президент катары да, партиялаш катары да ар намыс алып келбейт. КСДПнын съезди учурунда мени коррупция жана ТЭЦтеги авария боюнча күнөөлөдү. Иш-чарага Ош облусундагы партия бөлүмдөрүнүн өкүлдөрүн киргизбей коюшту. Алар партия үчүн да, Атамбаевдин өзү үчүн да оор учурда жанында болушкан. Кескин өзгөрүүгө абдан таң калдым", — деди Жээнбеков.

Өлкө башчы экс-президенттин эмнени каалап, эмнеге умтулуп жатканын түшүнбөй койгонун айтат.

"Ал ортодогу 20 жыл тууралуу көп айтат. Мындай караганда мен деле ошол учурда жөн эле отурган жокмун да. Биз партиялаштар менен биргеликте партиянын позициясын Ошто, Жалал-Абадда, Баткенде бекемдөө менен алек болдук. Кыйын учурда, өзгөчө өлкөнүн түштүк аймагындагы тоскоолдуктарды жеңүүдө мен дайыма жанында болдум. Керек болсо жанында киши калбай калганда, коркутуп-үркүтүүлөргө карабай мен жанынан карыш жылган эмесмин", — деди өлкө башчы.

Жээнбеков 2009-жылы президенттике КСДПдан талапкер болуп чыккан Атамбаевдин штабын жетектегенин, ошол учурдагы режимден коркуп Атамбаевди колдогондор жокко эсе болгонун белгиледи.

"2010-жылдагы июнь коогалаңында өлкө биримдиги үчүн карьерам эле эмес, керт башымды да тобокелге салдым. Төш каккылай бергим келбейт, бирок чындык ушундай. Атамбаев муну жакшы билчү, билет дагы. Саясий технологдору мени "саткын" деп атаганды жакшы көрүшөт. Убакыт баарын өзүнүн ордуна коет. "Досум", "партиялашым" дегенге жакын, бирок достор менен партиялаштар мындай кылбайт", — деди мамлекет жетекчиси.

Эскерте кетсек, Сооронбай Жээнбеков 2017-жылдын 15-октябрында президенттик шайлоого СДПКнын атынан чыгып, жеңишке жетишкен. Кызматка расмий түрдө 24-ноябрда киришкен.

Ал эми бүгүн президент 60 жашка чыгып отурат.

Тема боюнча

Сооронбай Жээнбеков — комсомол, мугалим, зоотехник. Сейрек сүрөттөр
Орусчаны үйрөнүп, волейболду катыра ойногон. Айылдаштары Сооронбай Жээнбеков жөнүндө
Белгилер:
шайлоо, КСДП фракциясы, Сооронбай Жээнбеков, Алмазбек Атамбаев

ЭҢ МААНИЛҮҮ