Ботаникалык бактын өрттөлүшүн иликтөөгө премьер 3 күн убакыт берди

© Sputnik / Табылды КадырбековБишкек шаарындагы ботаникалык бак. Архив
Бишкек шаарындагы ботаникалык бак. Архив - Sputnik Кыргызстан
Жазылуу
Өкмөт башчы Ботаникалык бактагы өрт жетекчилердин шалаакылыгынан чыкса, алар жазасын алышы керектигин айткан

БИШКЕК, 2-сен. — Sputnik. Борбор калаада жайгашкан Энвер Гареев атындагы Ботаникалык бакта эмне үчүн өрттүн кайталанып жаткан себебин толук иликтеп чыгып, үч күндө жыйынтыгын мага билдирүүнү тиешелүү тараптарга тапшырдым. Бул туурасында өкмөт башчы Сапар Исаков өкмөттөгү кеңешме учурунда айтканын маалымат кызматы кабарлады.

"Акыркы учурда эле Ботаникалык бакта 8 ирет өрт чыгыптыр. Эл буга нааразы болуп жатат. Парктын жетекчилиги менен шаардык тиешелүү кызматтар кайда карап жатат. Жагдай иликтенип, буга себеп Илимдер Академиясы жана тиешелүү тараптардын шалаакылыгы болсо жазасын алат", — деген Исаков.

Премьер-министр Сапар Исаков укук коргоо органдарына Ошту таза суу менен камсыздоо боюнча долбоорду ишке ашырууда шалаакылыкка жол бергендерди аныктап чыгууну тапшырды - Sputnik Кыргызстан
Ошту суу менен камсыздоого бөлүнгөн 11 млн. доллардын дайыны иликтелет
Ал Ботаникалык бак борбордун көзгө көрүнөрлүк гана жери эмес, Борбор Азиядагы бирден бир маанилүү объекти жана жаратылыш байлыгы экендигин белгилеген.

Эске салсак, буга чейин аталган жайда удаа чыккан өрттөрдү жарандык активисттер кызыкдар болуп жаткандардын иши экендигин айтышкан. Ботаникалык бактын аймагына ветеринардык жаңы лаборатория куруу пландалганы айтылып, ал коомчулуктун ызы-чуусун жараткан. Бир нече убакыттан кийин президент Алмазбек Атамбаев өкмөткө Ботаникалык бакка зыян келтирбеш үчүн пландалып жаткан лабораторияны башка жакка курууну караштырууга тапшырма берген.

Жаңылыктар түрмөгү
0