20:10 27 Бирдин айы 2020
Түз эфир
  • USD69.8500
  • EUR76.4683
  • RUB1.0646
Коом
Кыскача шилтеме алуу
173271

Нарын облусунун Ак-Талаа районунун тарыхында экинчи жолу үч эм жарыкка келди.

БИШКЕК, 28-окт. — Sputnik. Ак-Талаа районунун Чолок-Кайынды айылынын тургуну 40 жаштагы Айгүл Чотурова үч эм уул төрөгөнүн аймактык кабарчыбыз Нарын облустук бириккен оорукананын төрөт бөлүмүнүн башчысы Бегай Үмөтовага шилтеме берүү менен билдирди.

  • Рождение тройни в Нарынской области
    Ак-Талаа районунун Чолок-Кайынды айылынын тургуну 40 жаштагы Айгүл Чотурова үч эм уул төрөгөн.
    © Фото / Нурзада Мукашева
  • Капарбек Исаев менен Айгүл Чотурованын буга чейин беш баласы (төрт уул, бир кыз) бар болчу. Учурда алар жети эркек, бир кыздын ата-энеси болушту.
    Капарбек Исаев менен Айгүл Чотурованын буга чейин беш баласы (төрт уул, бир кыз) бар болчу. Учурда алар жети эркек, бир кыздын ата-энеси болушту.
    © Фото / Нурзада Мукашева
1 / 2
© Фото / Нурзада Мукашева
Ак-Талаа районунун Чолок-Кайынды айылынын тургуну 40 жаштагы Айгүл Чотурова үч эм уул төрөгөн.

Маалыматка ылайык, Капарбек Исаев менен Айгүл Чотурованын буга чейин беш баласы (төрт уул, бир кыз) бар болчу. Учурда алар жети эркек, бир кыздын ата-энеси болушту.

Капарбек Исаев учурда аялына балдарды каралашканга жардам берип жатат. Ал эми Айгүл Чотурова эми балдарды айыл шартында багып чоңойтуу оор болорун, андыктан жылуу жайлуу жер болсо жакшы болмоктугун билдирди. 

© Нурзада Мукашева
Ак-Талаанын тургуну кырктын кырында үч эм уул төрөдү

Нарын облустук оорукананын төрөт бөлүмүнүн башчысы Бегай Үмөтованын айтымында, 40 жаштагы келиндин үч эм төрөй турганы төрөт учурунда билингенин айтты.

"Бизге 24-октябрда күндүз толгоом башталды деп келген. Биринчи баласы төрөлгөндөн кийин үч эм экенин билдик. Балдар 36 жумалык болуп төрөлдү, булар ара төрөлгөн балдардын катарына кирет. Бирөөсүнүн салмагы 1,9 кг, экөөнүкү 1,7 килограмм", — деди дарыгер.

Ал ошондой эле бул райондун тарыхында үч эм төрөлгөн экинчи учур экенин кошумчалады. Биринчи үч эм жолу 2008-жылы жарыкка келген.

Тема боюнча

Гинеколог Мадраимова: абортко келген кыздардын жигитин таап жараштырып коёбуз
Зейнеп Исраилова: үч айда эки ирет үч эм жарык дүйнөгө келди
Белгилер:
үч эм, Төрөт үйү, балдар, Ак-Талаа, Нарын

ЭҢ МААНИЛҮҮ