https://sputnik.kg/20210129/zheenbekov-sot-chakyruu-1051274478.html
Экс-президент Жээнбеков Зилалиевдин иши боюнча сотко чакырылды
Экс-президент Жээнбеков Зилалиевдин иши боюнча сотко чакырылды
Sputnik Кыргызстан
Зилалиев ячейкадан чыкты делген миллион доллар президенттик шайлоодо Жээнбеков үчүн ишкерлерден чогултулганын айткан. 29.01.2021, Sputnik Кыргызстан
2021-01-29T16:39+0600
2021-01-29T16:39+0600
2021-12-14T14:27+0600
жаңылыктар
кыргызстан
саясат
дүйшөнбек зилалиев
сот
сооронбай жээнбеков
чакыруу
көрсөтмө
https://sputnik.kg/img/07e4/0a/0c/1050023064_0:0:2481:1395_1920x0_80_0_0_a0063e3aada5d7515e431937d2503019.jpg
БИШКЕК, 29-янв. — Sputnik. Мурдагы вице-премьер Дүйшөнбек Зилалиевдин иши боюнча көрсөтмө берүү үчүн экс-президент Сооронбай Жээнбеков күбө катары сотко чакырылды.Аталган иш Бишкек шаардык сотунда каралып жатат. Зилалиевдин адвокаты Таалайгүл Токтакунова экс-президентти чакыруу боюнча судьяга өтүнүч келтиргенин билдирди. Ал эми шаардык соттун маалымат кызматы Жээнбековго чакыруу жиберилгенин тастыктады.Адвокат "Оптима банктын" ячейкасынан Зилалиевдин бир миллион долларын тапты делген эпизод тууралуу кеп болуп жатканын айтты.Токтакунова сот буга чейин Жээнбеков мамлекет башчы болгондуктан суракка чакырбаганын, эми кызматтан кеткенден кийин кайра чакырууну сураганын белгиледи.Юрист сот экс-президентти чакырууга укугу бар экенин айтты. Бирок "экс" макамы болгондуктан күчкө салып алып келүү мүмкүн эмес."Чакыруу Сооронбай Жээнбековдун жашаган дареги боюнча жиберилген. ЖМКлар аркылуу дагы маалымдалып жатат. Андыктан Жээнбеков лоялдуулугун жана Конституция менен соттун талабына сый-урмат көрсөтөт деп ишенебиз", — деди Токтакунова.Зилалиевдин ишиБашкы прокуратура Зилалиевге мыйзамсыз жол менен байыган деген кине койгон. Ага ылайык, Зилалиев 2010-жылдан 2017-жылга чейинки мезгилде бир катар мамлекеттик кызматтарда: Коргоо кеңешинин катчысынын орун басары, Геология жана минералдык ресурстар боюнча мамлекеттик агенттиктин директору, Өнөр жай, энергетика жана жер казынасын пайдалануу мамлекеттик комитетинин төрагасы, вице-премьер жана Мамлекеттик мүлк фондунун жетекчиси болуп иштеп, расмий кирешесинен бир нече эсе көп мүлк сатып алган деп айыпталууда.Зилалиев 2018-жылы 8-декабрда кармалган. УКМК анын банктагы жеке эсебинен 889 миң 900 доллар таап, үй-жайын тинтүүгө алганын айткан.Ошондой эле Латвиянын укук коргоо органдары тарабынан Дүйшөнбек Зилалиевдин жубайына жана балдарына карата акчанын изин жашыруу фактысы боюнча кылмыш иши козголгон эле.Ал эми 2018-жылы Зилалиев Биринчи май райондук соту тарабынан президент Сооронбай Жээнбековдун инаугурациясы күнү бомба тууралуу жалган маалымат бергени үчүн үч жылга шарттуу кесилген.
https://sputnik.kg/20210127/5-oktyabr-zhabyr-tartkandar-zheenbekov-zhoopko-tartuunu-talap-1051246804.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, кыргызстан, саясат, дүйшөнбек зилалиев, сот, сооронбай жээнбеков, чакыруу, көрсөтмө
жаңылыктар, кыргызстан, саясат, дүйшөнбек зилалиев, сот, сооронбай жээнбеков, чакыруу, көрсөтмө
Экс-президент Жээнбеков Зилалиевдин иши боюнча сотко чакырылды
16:39 29.01.2021 (Жаңыртылды: 14:27 14.12.2021) Зилалиев ячейкадан чыкты делген миллион доллар президенттик шайлоодо Жээнбеков үчүн ишкерлерден чогултулганын айткан.
БИШКЕК, 29-янв. — Sputnik. Мурдагы вице-премьер
Дүйшөнбек Зилалиевдин иши боюнча көрсөтмө берүү үчүн экс-президент
Сооронбай Жээнбеков күбө катары сотко чакырылды.
Аталган иш Бишкек шаардык сотунда каралып жатат. Зилалиевдин адвокаты Таалайгүл Токтакунова экс-президентти чакыруу боюнча судьяга өтүнүч келтиргенин билдирди. Ал эми шаардык соттун маалымат кызматы Жээнбековго чакыруу жиберилгенин тастыктады.
Адвокат "Оптима банктын" ячейкасынан Зилалиевдин бир миллион долларын тапты делген эпизод тууралуу кеп болуп жатканын айтты.
"Ушул жагдай боюнча маселе жаралды. Зилалиев 2019-жылы декабрда, кышта кармалган. Бирок жарыяланган видеодо адамдар жайкы кийим менен жүргөнүн көрүүгө болот. Ошондой эле каражат ар түрдүү баштыкка жана кагазда сакталган. Зилалиев кармалганда эле каражат өзүнө таандык эместигин, ал акча Сооронбай Жээнбековдун президенттик шайлоо өнөктүгү үчүн ишкерлерден чогултулганын айткан. Кийин Зилалиев каражатты Икрамжан Илмияновго берип кой дегенине карабай, Жээнбековдун өз колуна тапшырган. Буга ошондогу премьер-министр Сапар Исаков күбө болгон", — деп Зилалиев көрсөтмө бергенин айтты адвокат.
Токтакунова сот буга чейин Жээнбеков мамлекет башчы болгондуктан суракка чакырбаганын, эми кызматтан кеткенден кийин кайра чакырууну сураганын белгиледи.
Юрист сот экс-президентти чакырууга укугу бар экенин айтты. Бирок "экс" макамы болгондуктан күчкө салып алып келүү мүмкүн эмес.
"Чакыруу Сооронбай Жээнбековдун жашаган дареги боюнча жиберилген. ЖМКлар аркылуу дагы маалымдалып жатат. Андыктан Жээнбеков лоялдуулугун жана Конституция менен соттун талабына сый-урмат көрсөтөт деп ишенебиз", — деди Токтакунова.
Башкы прокуратура Зилалиевге мыйзамсыз жол менен байыган деген кине койгон. Ага ылайык, Зилалиев 2010-жылдан 2017-жылга чейинки мезгилде бир катар мамлекеттик кызматтарда: Коргоо кеңешинин катчысынын орун басары, Геология жана минералдык ресурстар боюнча мамлекеттик агенттиктин директору, Өнөр жай, энергетика жана жер казынасын пайдалануу мамлекеттик комитетинин төрагасы, вице-премьер жана Мамлекеттик мүлк фондунун жетекчиси болуп иштеп, расмий кирешесинен бир нече эсе көп мүлк сатып алган деп айыпталууда.
Зилалиев 2018-жылы 8-декабрда кармалган. УКМК анын банктагы жеке эсебинен 889 миң 900 доллар таап, үй-жайын тинтүүгө алганын айткан.
Ошондой эле Латвиянын укук коргоо органдары тарабынан Дүйшөнбек Зилалиевдин жубайына жана балдарына карата акчанын изин жашыруу фактысы боюнча
кылмыш иши козголгон эле.
Ал эми 2018-жылы Зилалиев Биринчи май райондук соту тарабынан президент Сооронбай Жээнбековдун инаугурациясы күнү бомба тууралуу жалган маалымат бергени үчүн
үч жылга шарттуу кесилген.
