Садыр Жапаров 2021-жылдын 10-январында мөөнөтүнөн мурда өткөн президенттик шайлоодо жеңишке жетип, 28-январда Кыргызстандын президенти кызматына киришти
Аны Жогорку Кеңештин төрагасы Талант Мамытов тосуп алды
Аскердик жүрүштөн кийин автоунаасы келип токтоору менен Садыр Жапаров машинанын эшигин өзү ачып отуруп алды. Атайын кызматкер эшикти ачып берүүгө жетишпей калды.
Жапаров филармониянын алдында тизилип турган Улуттук Гвардиянын аскерлеринин жүрүшүн КРдин куралдуу күчтөрдүн кол башчысы катарында кабылдады.
Европа биримдигинин Борбордук Азия боюнча атайын өкүлү Петер Буриан Европа кеңешинин төрагасы Шарль Мишелдин куттуктоосун кыргыз тилинде окууду. Ал эки-үч сүйлөмдөн кийин калганын орус тилинде улантууга уруксат сурады. Бирок кийинкиде аягына чейин кыргызча окуй турганын убадалады.
"Биздин бүгүнкү абалыбызды канааттандырарлык деп сыпаттагандан алысмын.
Отуз жыл бою топтолгон беш миллиард долларлык ички-сырткы карызыбызды толук төлөө милдети да менин багыма – президенттигим башталган мезгилге туш келди.
Ал ортодо, коронавирус пандемиясы да республиканын бюджетине кескин түрдө кедергисин тийгизди. Энергетика тармагындагы абал катастрофалык кырдаалга кептелип, 137 миллиард сом (1,5 млрд доллар) карызы бар экен.
Албетте, мындай абалдан чыгуу өтө оор кыйынчылык менен коштолоору айкын.
Ошондуктан, менин алгачкы президенттик жарлыктарым кризистик жагдайдан чыгуу, экономиканы жандантуу чараларын камтууга багытталат", - деди Садыр Жапаров.
"Бул жолу калың элдин жеңиши уурдалбайт, калайык калктын аруу мүдөөсү узурпация болбойт!
Эл-журтумдун ошондогу талабын жүзөгө ашырууну көздөө менин президенттик мөөнөтүмдүн негизги мүдөө-максаты болмокчу!
Демек, күн-түн дебей күч үрөп, бел чечпей иштеп, Камбар-Ата, Сары-Жаз ГЭСтери, Жогорку Нарын каскады сындуу ири долбоорлорду тез арада ишке ашыруу, жумушчу орундарын түзүү аркылуу иш менен камсыздоону, миңдеген мигрант-мекендештеримди кайтарып келүүнү президент катары милдетим деп эсептеймин", - деди Жапаров.
«Жаңы Кыргызстан - өткөн тарыхына сыймыктанган, бүгүнкү жашоо-турмушуна канааттанган, ал эми түп келечегине оптимизм менен караган эркин жарандардын өлкөсү болуп калууга тийиш!», - деп белгиледи Садыр Жапаров
"Депутаттык орундардын акчага бааланышы жалпы саясий маданияттын деградациясына алып келди. Мамлекеттүүлүктүн келечегине коркунуч туудурган көрүнүшкө айланды. Ал ортодо коомогу социалдык жиктелүү күндөн-күнгө, жылдан жылга курчуп отурду. Тилекке каршы, акыркы 30 жылдан бир ууч топ гана баюунун үстүндө болду... Натыйжада калың элдин чыдамы түгөндү. Ал арада миңдеген мекендештеримдин мигрант атыгып, жакырчылыктан чыга албай, элимдин туш тарапка чачылышы - ушул көрүнүш тыйылбай уланып жатканы кабыргамды кайыштырат, жанымды кашайтат. Андан улам бийликке нааразы болуп, 5-октябрда чыкканы мыйзамдуу көрүнүш", - деди ал.
Жапаров өзүнүн сөзүндө алдыда кыйынчылыктар тургандыгын, мамлекетти өнүктүрүү көп күч-кубатты талап кыларын түшүнүп тургандыгын айтты.
"Байыркы элимдин бүгүнкү тагдыры жана келечеги үчүн өтө жогорку жоопкерчилик моюнга тагылгандыгын түшүнүп бир чети толкунданып турам. Бул жоопкерчиликти санаалаштарым, тилектештерим менен тартам", - деди Садыр Жапаров.
Зал кол чаап, балкондо отургандар ордунан туруп, кыйкырып жатышты. Андан соң КРдин мамлекеттик гимни аткарылды.
Залдар отургандардын арасынан кол чаап, кубаттап кыйкыргандар болду.
Садыр Жапаров залга кирди. Отургандар ордунан туруп, кол чаап тосуп алышты.
Манасчы Саякбай Каралаев "Каныкейдин Тайторунун чапканын" айтып жатат.
Сценага БШКнын төрайымы Нуржан Шайылдабекова чыкты
Уюштуруучулар филармониянын чоң залы толгондуктан, эшиктер жабылгандыгын айтышты.
Жаңы шайланган президент Садыр Жапаровдун иш бөлмөсү Өкмөт үйүндө болот. Бул тууралуу президенттин маалымат кызматынын жетекчиси Нургазы Анаркулов билдирди.
Буга чейинки президенттер Жогорку Кеңештин имаратында, тагыраагы, Ак үйдө иштеп келишкен.
Ни одна пылинка не должна упасть на ковёр... Найду - убью!
Опубликовано Канатом Каниметовым Среда, 27 января 2021 г.
Милициянын Кайгуул кызматы ишин аткарып жаткан учурлар
Сторонников и супругу Сегизбаева вышедших на митинг возле Филармонии забрали в Ленинское РУВД
Опубликовано Абдилом Сегизбаевым Среда, 27 января 2021 г.
Филармониянын алдына кызыл килем төшөлдү. Бул жерде журналисттер көчөдө эмне болгонугун чагылдырып турушат. Кыязы, Садыр Жапаров имараттын ичине ушул жерден кирет.
Урматтуу Кыргыз элим! Туптуура 4 ай 14 кун алдын борбордук аянтта танга маал «Садырды Президент кылабыз» деп жарыялаган экенмин. Мен созумо,убадама турдум! Рахмат Элиме,рахмат силерге!
Опубликовано Камчыбеком Ташиевым Среда, 27 января 2021 г.
Филармониянын ички жана тышкы көрүнүшү
Инаугурацияга конок катары чакырылгандар социалдык тармактагы аккаунттарына сүрөт, видеолорду бөлүшүп жатат. Кээ бирлери юмор менен жазылган.
Балкондон карап, таак кийинки кезек кимдики?-деп атат))))
Опубликовано Болотом Абдыжапаровым Среда, 27 января 2021 г.
Ант берүү аземине чакырылгандарга жогорудагыдай кагаз баштыкча берилди. Анын ичинде калем, блокнот, спрей жана медициналык бет кап салынган.
Жамаааттык коопсуздук келишим уюмунун (ЖККУ) башкы катчысы Станислав Зась, Европалык Биримдиктин Борбор Азия боюнча атайын өкүлү Петер Буриан келген. Алар менен кечээ КРдеги тиешелүү ведомство жетекчилери жолуккан.
Алардын арасынан мурдагы өкмөт башчылар Жоомарт Оторбаевди, Темир Сариевди, Виталий Чудиновдун катар туруп, сүйлөшүп жаткандыгын көрүүгө болот.
Анткен менен коноктордун арбыны бет капсыз жүргөнүн көрүүгө болот.
Негизги салтанат филармониянын чоң залында өтөт.
Азырынча инаугурация алдындагы көрүнүш ушундай. Чакырылган коноктор кирип жатат. Аларды босогодон металлодетектор менен текшерип жатышат. Андан сырткары дарыгерлер алардын дене табын да көзөмөлгө алып жатканын көрүүгө болот.
Ант берүү аземин түз алып берүү саат 10:45ке пландалып жатат. Ал эми азыр учурда эмне болуп жаткандыгын сиздерге баяндап берип турмакчыбыз.
