21:56 01 Кулжа 2020
Түз эфир
  • USD73.4927
  • EUR81.8635
  • RUB1.0542
Маданият

Тасмаларына илимий мамиле жасачу. Убукеевдин "Манас ааламынан" таберик сүрөт

Кыскача шилтеме алуу
"Таберик сүрөт" — сейрек кездешкен ирмемдер (103)
165 0 0
Кыргыз Республикасынын эл артисттери, режиссёрлор Тынай Ибрагимов, Мелис Убукеев жана залкар актёр Болот Бейшеналиевдин сүрөтү 1995-жылы Ысык-Көл облусундагы Жыргалаң дарыясынын боюнда тартылган.
© Sputnik / Александр Федоров.

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.

Кыргыз Республикасынын эл артисттери, режиссёрлор Тынай Ибрагимов, Мелис Убукеев жана залкар актёр Болот Бейшеналиевдин сүрөтү 1995-жылы Ысык-Көл облусундагы Жыргалаң дарыясынын боюнда тартылган.

Ал жылы кыргыз киносунун түптөөчүлөрүнүн бири болгон режиссёр, тарыхчы Мелис Убукеев "Манастын ааламы" тасмасын тартуу иштери менен алек болуп, чыгармачыл топтун башында турган.

Ошол кезди аталган тасманын оператору Тынай Ибрагимов мындайча эскерет:

"Эмгек жолумда режиссёр Мелис Убукеев менен 25 жылдай иштештим. Башында сүрөтчү Гапар Айтиев жөнүндө чогуу тасма тартып, кийин кыргыз маданияты тууралуу эмгектерди жараттык. Ал эми "Манастын ааламы" тасмасы 1989-жылы тартыла баштап, союз тарагандан кийин каржынын тартыштыгынан токтоп калыптыр. 1995-жылы "Манас" эпосунун 1000 жылдыгын белгилөөгө аракеттер көрүлүп, бизге эпос жөнүндө фильмди бүтүрүү милдети жүктөлгөн. Анда мурун тартылган кадрларды Москвадан алып келип, бир айдай убакыт ичинде кошумча эпизоддорду тартканбыз. Убукеев тарыхты, маданиятты, тилди аябай мыкты билчү. Тасма жаратууда колдонгон оймо-чийме, сүрөт, жасалгалардын майда-чүйдөсүнө чейин катуу көңүл бурчу. Кесипкөй инсан көп изденип, атактуу жазуучу, окумуштууларды консультант катары алып, тасмаларына илимий мамиле кылчу. Көп жыл Манас жөнүндө тасма, мультфильм тартууга аракет жасап, 90-жылдары чет өлкөгө чейин демөөрчү издеп барып калдык. Азыр Убукеев сыяктуу режиссёрлор өтө эле аз, аны менен бирге иштешип, акыл-насаатын угуп калганыма сыймыктанам", — деди Ибрагимов.

Мелис Убукеев эмгек жолунун көпчүлүк бөлүгүн "Манас" эпосуна байлаган. Анын атасы Айткулу Убукеев манасчы Саякбай Каралаев менен жакшы мамиледе болгондуктан кино тармагына аралашкан кезинде эле эпосту толук кандуу көркөм тасмага түшүрүүгө катуу бел байлаган. 1966-жылы үч бөлүктөн турган "Саякбай", кийин жети бөлүктөн турган "Улуу манасчы", "Миң жылдыктын прологу" даректүү тасмаларын тартып, "Манас — кыргыздардын баатырдык эпосу" деп аталган китеп да жазган.

Тема:
"Таберик сүрөт" — сейрек кездешкен ирмемдер (103)

Тема боюнча

Чолпон жылдыздар Дооронбек Садырбаев менен Айсулуу Токомбаева. Таберик сүрөт
Азыр андай инсандар жок... Сахнадагы залкарлардын таберик сүрөтү
Табылды Эгембердиевдин бала-чакасы менен түшкөн таберик сүрөтү
"Алтынайды" эки өлкөдөн издегенбиз. "Биринчи мугалимдеги" таберик сүрөт
Белгилер:
таберик сүрөт, тасма, Мелис Убукеев, режиссер, Кыргызстан

Дагы инфографика

ЭҢ МААНИЛҮҮ