Ошол кездеги Кыргыз ССРи деп аталган чакан бир республикада ааламды өзүнө батыра турган, жан дүйнөнү аңтар-теңтер кылып кеткен сонун кинофильмдер жаралды. Мыкты режиссерлор чыгып, бир топ актерлордун талантын ачып, көгүлтүр экранда тушоосун кести. Ал эми көрүүчүлөргө шедевр кинокартиналар тартууланды. "Кыргыз кереметин" Төлөмүш Океев, Геннадий Базаров, Болот Шамшиев баштаган бир топ кинокорифейлер түптөдү. Даңкы аалам аралап кеткен Сүймөнкүл Чокморов, таланты таш жарган Муратбек Рыскулов, ар бир ролду ийине жеткире аткарган Сабира Күмүшалиева, өзгөчө талант Бакен Кыдыкеева, ар бир кадрдын майын чыгара иштеген Асанкул Куттубаев, ай жаркын Таттыбүбү Турсунбаева жараткан мыкты образдар элдин алигүнчө эсинде. Санай берсек бир далай убакыт кетет. Андан көрө, фотопленкада калган ирмемдерге баам салсак.
Бүгүн, 17-ноябрда кыргыз кино өнөрүнүн күнүндө "кыргыз кереметинин" шедеврлери тууралуу сөз кылгыбыз келди.
Ошол кездеги Кыргыз ССРи деп аталган чакан бир республикада ааламды өзүнө батыра турган, жан дүйнөнү аңтар-теңтер кылып кеткен сонун кинофильмдер жаралды. Мыкты режиссерлор чыгып, бир топ актерлордун талантын ачып, көгүлтүр экранда тушоосун кести. Ал эми көрүүчүлөргө шедевр кинокартиналар тартууланды.
"Кыргыз кереметин" Төлөмүш Океев, Геннадий Базаров, Болот Шамшиев баштаган бир топ кинокорифейлер түптөдү. Даңкы аалам аралап кеткен Сүймөнкүл Чокморов, таланты таш жарган Муратбек Рыскулов, ар бир ролду ийине жеткире аткарган Сабира Күмүшалиева, өзгөчө талант Бакен Кыдыкеева, ар бир кадрдын майын чыгара иштеген Асанкул Куттубаев, ай жаркын Таттыбүбү Турсунбаева жараткан мыкты образдар элдин алигүнчө эсинде. Санай берсек бир далай убакыт кетет. Андан көрө, фотопленкада калган ирмемдерге баам салсак.
"Бакайдын жайыты" -- эмне деген шедевр картина! Кинофильмде Бакайды Муратбек Рыскулов, анын байбичеси Урумду Алиман Жангорозова, уулу Калыктын образын Насирет Дубашев жараткан.
Советбек Жумадылов эмне деген талант эле. "Караш-Караш окуясы" кинокартинасында Жарас Байдын ролунда (солдо). Котормочунун образын Касымхан Шанин жараткан. Режиссеру Болот Шамшиев.
"Айың" тасмасында Жумадылов ак жеринен камалып түрмөдөн чыккан Калманды, актриса Айтурган Темирова психикалык жактан жапа чеккен Сабинанын ролун ойногон. Режиссеру Геннадий Базаров.
"Кыргыз кереметинин" беделдүү жаратуучулары. Режиссер, сценарист, Кыргыз ССРинин искусствосуна эмгек сиңирген ишмер Геннадий Базаров (солдо) жана режиссёр, КР эл артисти, СССРдин эл артисти Болот Шамшиев (оңдо).