https://sputnik.kg/20260714/irandyn-eks-prezidenti-mossaddyn-zhashyruun-tynchysy-1102406059.html
ЖМКлар Ирандын экс-президенти Ахмадинежад "Моссаддын" тыңчысы болгонун жазууда
ЖМКлар Ирандын экс-президенти Ахмадинежад "Моссаддын" тыңчысы болгонун жазууда
Sputnik Кыргызстан
БИШКЕК, 14-июл. — Sputnik. Израилдин "Моссад" деп аталган тышкы чалгын кызматы Ирандын экс-президенти Махмуд Ахмадинежадды бир нече жыл бою азгырып келген. Бул... 14.07.2026, Sputnik Кыргызстан
2026-07-14T14:46+0600
2026-07-14T14:46+0600
2026-07-14T14:52+0600
дүйнөдө
иран
израиль
экс-президент
тыңчылык
https://sputnik.kg/img/103716/15/1037161577_0:113:2692:1627_1920x0_80_0_0_3ed329671900bd1ad8c6627b1915ecc6.jpg
БИШКЕК, 14-июл. — Sputnik. Израилдин "Моссад" деп аталган тышкы чалгын кызматы Ирандын экс-президенти Махмуд Ахмадинежадды бир нече жыл бою азгырып келген. Бул туурасында New York Times басылмасы жазды. Алардын саясатчыны учурдагы бийликти кулатуу үчүн колдонуп, андан соң мамлекеттин башына алып келүүнү пландаганы айтылган. Гезиттин маалыматына караганда, Ахмадинежад 2024-жана 2025-жылдары Людовик атындагы Мамлекеттик кызмат университетиндеги климаттык конференцияларга катышуу шылтоосу менен Венгрияга барып турган. Бирок басылма бул иш-чаралар анын "Моссаддын" ошол кездеги башчысы Давид Барнеа жана израилдик тыңчылар (ыкчам кызматкерлер) менен жашыруун сүйлөшүүсү үчүн тек гана шылтоо болгонун ырастайт. Америкалык аткаминерлердин айтымында, Израиль Ахмадинежаддын жол киресин, жаткан жерине жумшалган акыны төлөп турган. Экс-президент Батыш менен жакындашуу үчүн сырткы келбетин толугу менен өзгөрткөн деп айтылат. Басылма анын кымбат костюмдарды кийип, сырткы көрүнүшүн иреттеп жана англис тилин мыктылап үйрөнө баштаганын жазды. Израилдин экс-президент боюнча операциясы 2026-жылдын февралынын аягында, АКШ менен Израилдин Иранга баштаган согушунун алгачкы күндөрүндө абдан курчуган. Тель-Авив Тегерандагы Ахмадинежаддын резиденциясына абадан сокку ургандан кийин "Моссаддын" ыкчам кызматкерлери аны кара түстөгү Peugeot автоунаасы менен коопсуз жерге алып чыгып кетет. Бирок гезиттин маалыматына караганда, саясатчы мындай шашылыш жасалып жана кооптуулук коштолгон эвакуацияга ичи чыкпай, Израилдин аны кайрадан бийликке алып келе аларынан күмөн санай баштаган. Басылма шилтеме берген Ирандын жогорку катмарындагы маалымат булактардын билдиришинче, февраль окуяларынан кийин Ирандын атайын кызматы Ахмадинежаддын Израиль менен байланыштарын билгип койгон. Ушундан улам учурда экс-президент Ислам революциясынын сакчылар корпусунун (ИРСК) көзөмөлүндө үй камагында отурат жана акыркы убакта коомчулукка такыр көрүнбөй калгандыгы айтылат. Экс-президентке жакын адамдар анын мындай кадамга барышына бийликке умтулуу жана үч ирет президенттик шайлоого катыштырбай койгон тоскоолдуктар шыкакчы болгонун айтып беришкен. Кеп болуп калганда ал Израилди "Авраам макулдашууларынын" алкагында тааный турганын айтчу дешет. Эске салсак, Ахмадинежад Иранды 2005-2013-жылдары башкарган. Кийин президенттик шайлоого катышам деп талапкерлигин коюуга аракет кылып, бирок аны Байкоочу кеңеш өткөрбөй койгону айтылат.
https://sputnik.kg/20260609/tramp-netanyakhunu-kaarydy-1101784208.html
иран
израиль
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, иран, израиль, экс-президент, тыңчылык
дүйнөдө, иран, израиль, экс-президент, тыңчылык
БИШКЕК, 14-июл. — Sputnik. Израилдин "Моссад" деп аталган тышкы чалгын кызматы Ирандын экс-президенти Махмуд Ахмадинежадды бир нече жыл бою азгырып келген. Бул туурасында
New York Times басылмасы жазды.
Алардын саясатчыны учурдагы бийликти кулатуу үчүн колдонуп, андан соң мамлекеттин башына алып келүүнү пландаганы айтылган.
"Ирандын мурдагы президентин баалуу чалгынчы агент катары даярдоо максатындагы көп жылдык иштер согуштун (АКШ менен болгон — ред.) алгачкы күндөрүндө аны Израилдин жашыруун батирлеринин бирине шашылыш алып кетүү аракети менен аяктаган. Бирок бул план ишке ашпай калган", — деп басылма жазган.
Гезиттин маалыматына караганда, Ахмадинежад 2024-жана 2025-жылдары Людовик атындагы Мамлекеттик кызмат университетиндеги климаттык конференцияларга катышуу шылтоосу менен Венгрияга барып турган. Бирок басылма бул иш-чаралар анын "Моссаддын" ошол кездеги башчысы Давид Барнеа жана израилдик тыңчылар (ыкчам кызматкерлер) менен жашыруун сүйлөшүүсү үчүн тек гана шылтоо болгонун ырастайт.
Америкалык аткаминерлердин айтымында, Израиль Ахмадинежаддын жол киресин, жаткан жерине жумшалган акыны төлөп турган. Экс-президент Батыш менен жакындашуу үчүн сырткы келбетин толугу менен өзгөрткөн деп айтылат. Басылма анын кымбат костюмдарды кийип, сырткы көрүнүшүн иреттеп жана англис тилин мыктылап үйрөнө баштаганын жазды.
Израилдин экс-президент боюнча операциясы 2026-жылдын февралынын аягында, АКШ менен Израилдин Иранга баштаган согушунун алгачкы күндөрүндө абдан курчуган. Тель-Авив Тегерандагы Ахмадинежаддын резиденциясына абадан сокку ургандан кийин "Моссаддын" ыкчам кызматкерлери аны кара түстөгү Peugeot автоунаасы менен коопсуз жерге алып чыгып кетет. Бирок гезиттин маалыматына караганда, саясатчы мындай шашылыш жасалып жана кооптуулук коштолгон эвакуацияга ичи чыкпай, Израилдин аны кайрадан бийликке алып келе аларынан күмөн санай баштаган.
Басылма шилтеме берген Ирандын жогорку катмарындагы маалымат булактардын билдиришинче, февраль окуяларынан кийин Ирандын атайын кызматы Ахмадинежаддын Израиль менен байланыштарын билгип койгон. Ушундан улам учурда экс-президент Ислам революциясынын сакчылар корпусунун (ИРСК) көзөмөлүндө үй камагында отурат жана акыркы убакта коомчулукка такыр көрүнбөй калгандыгы айтылат.
Экс-президентке жакын адамдар анын мындай кадамга барышына бийликке умтулуу жана үч ирет президенттик шайлоого катыштырбай койгон тоскоолдуктар шыкакчы болгонун айтып беришкен. Кеп болуп калганда ал Израилди "Авраам макулдашууларынын" алкагында тааный турганын айтчу дешет.
Эске салсак, Ахмадинежад Иранды 2005-2013-жылдары башкарган. Кийин президенттик шайлоого катышам деп талапкерлигин коюуга аракет кылып, бирок аны Байкоочу кеңеш өткөрбөй койгону айтылат.
