ЖКнын төрагасы чөө, арстан тууралуу айткандарына комментарий берди. Видео
19:15 24.06.2026 (Жаңыртылды: 19:51 24.06.2026)
© Sputnik / Жоомарт Ураимов
Жазылуу
БИШКЕК, 24-июн. — Sputnik. Жогорку Кеңештин спикери Марлен Маматалиев мурдараак "75чилердин катынын" демилгечилери туурасында айтып жатып, "чөөлөр арстанга кол салып жатканын унутушкан" деген эле. Бүгүнкү маалымат жыйында төрага ал айтканына түшүндүрмө берди.
"Парламент болгондон кийин өйдө-ылдый боло берет. Талаш-тартыш да болуп туруш керек. Бул парламенттеги кадыресе көрүнүш. Ар кыл эмоциялар болот... Болушунча маданияттуу, сабырдуу болгонго депутаттарды дайыма чакырам, өзүм да аракет кылып жүрөм. Мамлекетти буза турган ири окуялар болгондо... чыдай алган жокмун. Жеткиликтүү болуш үчүн, так-даана чекитине жетиш үчүн, кээде мисал келтирип айтасың. Ал деле нормалдуу нерсе. Убагында крокодилди, башкаларды деле айтып жатышты. Мен да болгон окуяга мисал катары, ошол аракеттин залакасы кандай нерсеге алып келмек деген нерседен туруп айттым", — деди төрага.
Андан соң "75чилердин каты боюнча комиссиянын түзүлүү тарыхына токтолду.
"Депутаттар келип, кат келген экен ("75чилердин каты" — ред.) деп сурай баштады. Бүдөмүк ой жаратпаш үчүн комиссия түзүүнү сунуштадым... Эмоция менен айттым, бирок чындыкты айттым. Бул төрага катары менин позициям", — деди ал.
"Депутаттар келип, кат келген экен ("75чилердин каты" — ред.) деп сурай баштады. Бүдөмүк ой жаратпаш үчүн комиссия түзүүнү сунуштадым... Эмоция менен айттым, бирок чындыкты айттым. Бул төрага катары менин позициям", — деди ал.
Маматалиев чөөлөр туурасында айтканынан кийин фейк аккаунттар социалдык тармакка ал тууралуу жаман сөздөрдү жаза баштаганын белгилеп, бул атайылап жасалып жаткан иштер деп кошумчалады.
Эске салсак, 9-февралда 75 адамдан турган мурдагы аткаминер, саясатчы жана коомдук ишмерлер президент Садыр Жапаровго жана Жогорку Кеңештин ошол кездеги төрагасы Тургунбек уулуна кат жолдогон. Алар катында жакын арада мөөнөтүнөн мурда президенттик шайлоо өткөрүүгө чакырганы айтылган.
Эске салсак, 9-февралда 75 адамдан турган мурдагы аткаминер, саясатчы жана коомдук ишмерлер президент Садыр Жапаровго жана Жогорку Кеңештин ошол кездеги төрагасы Тургунбек уулуна кат жолдогон. Алар катында жакын арада мөөнөтүнөн мурда президенттик шайлоо өткөрүүгө чакырганы айтылган.
Президент алардын кылыгын сынга алып, коомчулукка жик салууга аракет деп айыптаган.
Кийин Маматалиев спикер болуп шайланган алгачкы күнү эле бул маселени териштиргенин билдирген.
